Молитва Канон Ангелу Хранителю
Тропарь, глас 6-й
Ангеле Божий, хранителю мой святый, живот мой соблюди во страсе Христа Бога, ум мой утверди во истиннем пути, и к любви горней уязви душу мою, да тобою направляемь, получу от Христа Бога велию милость.
Слава Отцу и Сыну и Святому Духу. И ныне и присно и во веки веков. Аминь.
Богородичен
Святая Владычице, Христа Бога нашего Мати, яко всех Творца недоуменно рождшая, моли благость Его всегда, со хранителем моим ангелом, спасти душу мою, страстьми одержимую, и оставление грехов даровати ми.
Канон, глас 8-й
Песнь 1
Ирмо́с: Поим Господеви, проведшему люди Своя сквозе Чермное море, яко един славно прославися.
Иисусу: Господи Иисусе Христе Боже мой, помилуй мя.
Песнь воспети и восхвалити, Спасе, Твоего раба достойно сподоби, безплотному Aнгелу, наставнику и хранителю моему.
Припев: Святый Aнгеле Божий, хранителю мой, моли Бога о мне.
Един аз в неразумии и в лености ныне лежу, наставниче мой и хранителю, не остави мене, погибающа.
Слава Отцу и Сыну и Святому Духу.
Ум мой твоею молитвою направи, творити ми Божия повеления, да получу от Бога отдание грехов, и ненавидети ми злых настави мя, молюся ти.
И ныне и присно и во веки веков. Аминь.
Молися, Девице, о мне, рабе Твоем, ко Благодателю, со хранителем моим Aнгелом, и настави мя творити заповеди Сына Твоего и Творца моего.
Песнь 3
Ирмо́с: Ты еси утверждение притекающих к Тебе, Господи, Ты еси свет омраченных, и поет Тя дух мой.
Припев: Святый Aнгеле Божий, хранителю мой, моли Бога о мне.
Все помышление мое и душу мою к тебе возложих, хранителю мой; ты от всякия мя напасти вражия избави.
Припев: Святый Aнгеле Божий, хранителю мой, моли Бога о мне.
Враг попирает мя, и озлобляет, и поучает всегда творити своя хотения; но ты, наставниче мой, не остави мене погибающа.
Слава Отцу и Сыну и Святому Духу.
Пети песнь со благодарением и усердием Творцу и Богу даждь ми, и тебе, благому Aнгелу хранителю моему: избавителю мой, изми мя от враг озлобляющих мя.
И ныне и присно и во веки веков. Аминь.
Исцели, Пречистая, моя многонедужныя струпы, яже в души, прожени враги, иже присно борются со мною.
Седален, глас 2-й
От любве душевныя вопию ти, хранителю моея души, всесвятый мой Aнгеле: покрый мя и соблюди от лукаваго ловления всегда, и к жизни настави небесней, вразумляя и просвещая и укрепляя мя.
Слава Отцу и Сыну и Святому Духу. И ныне и присно и во веки веков. Аминь.
Богородичен:
Богородице безневестная Пречистая, Яже без семени рождши всех Владыку, Того со Aнгелом хранителем моим моли, избавити ми ся всякаго недоумения, и дати умиление и свет души моей и согрешением очищение, Яже едина вскоре заступающи.
Песнь 4
Ирмо́с: Услышах, Господи, смотрения Твоего таинство, разумех дела Твоя, и прославих Твое Божество.
Припев: Святый Aнгеле Божий, хранителю мой, моли Бога о мне.
Моли Человеколюбца Бога ты, хранителю мой, и не остави мене, но присно в мире житие мое соблюди и подаждь ми спасение необоримое.
Припев: Святый Aнгеле Божий, хранителю мой, моли Бога о мне.
Яко заступника и хранителя животу моему прием тя от Бога, Aнгеле, молю тя, святый, от всяких мя бед свободи.
Слава Отцу и Сыну и Святому Духу.
Мою скверность твоею святынею очисти, хранителю мой, и от части шуия да отлучен буду молитвами твоими и причастник славы явлюся.
И ныне и присно и во веки веков. Аминь.
Недоумение предлежит ми от обышедших мя зол, Пречистая, но избави мя от них скоро: к Тебе бо единей прибегох.
Песнь 5
Ирмо́с: Утренююще вопием Ти: Господи, спаси ны; Ты бо еси Бог наш, разве Тебе иного не вемы.
Припев: Святый Aнгеле Божий, хранителю мой, моли Бога о мне.
Яко имея дерзновение к Богу, хранителю мой святый, Сего умоли от оскорбляющих мя зол избавити.
Припев: Святый Aнгеле Божий, хранителю мой, моли Бога о мне.
Свете светлый, светло просвети душу мою, наставниче мой и хранителю, от Бога данный ми Aнгеле.
Слава Отцу и Сыну и Святому Духу.
Спяща мя зле тяготою греховною, яко бдяща сохрани, Aнгеле Божий, и возстави мя на славословие молением твоим.
И ныне и присно и во веки веков. Аминь.
Марие, Госпоже Богородице безневестная, надеждо верных, вражия возношения низложи, поющия же Тя возвесели.
Песнь 6
Ирмо́с: Ризу ми подаждь светлу, одеяйся светом яко ризою, многомилостиве Христе Боже наш.
Припев: Святый Aнгеле Божий, хранителю мой, моли Бога о мне.
Всяких мя напастей свободи, и от печалей спаси, молюся ти, святый Aнгеле, данный ми от Бога, хранителю мой добрый.
Припев: Святый Aнгеле Божий, хранителю мой, моли Бога о мне.
Освети ум мой, блаже, и просвети мя, молюся ти, святый Aнгеле, и мыслити ми полезная всегда настави мя.
Слава Отцу и Сыну и Святому Духу.
Устави сердце мое от настоящаго мятежа, и бдети укрепи мя во благих, хранителю мой, и настави мя чудно к тишине животней.
И ныне и присно и во веки веков. Аминь.
Слово Божие в Тя вселися, Богородице, и человеком Тя показа небесную лествицу; Тобою бо к нам Вышний сошел есть.
Кондак, глас 4-й
Явися мне милосерд, святый Aнгеле Господень, хранителю мой, и не отлучайся от мене, сквернаго, но просвети мя светом неприкосновенным и сотвори мя достойна Царствия Небеснаго.
Икос
Уничиженную душу мою многими соблазны, ты, святый предстателю, неизреченныя славы небесныя сподоби, и певец с лики безплотных сил Божиих, помилуй мя и сохрани, и помыслы добрыми душу мою просвети, да твоею славою, Aнгеле мой, обогащуся, и низложи зломыслящия мне враги, и сотвори мя достойна Царствия Небеснаго.
Песнь 7
Ирмо́с: От Иудеи дошедше отроцы, в Вавилоне иногда, верою Троическою пламень пещный попраша, поюще: отцев Боже, благословен еси.
Припев: Святый Aнгеле Божий, хранителю мой, моли Бога о мне.
Милостив буди ми, и умоли Бога, Господень Aнгеле, имею бо тя заступника во всем животе моем, наставника же и хранителя, от Бога дарованнаго ми во веки.
Припев: Святый Aнгеле Божий, хранителю мой, моли Бога о мне.
Не остави в путь шествующия души моея окаянныя убити разбойником, святый Aнгеле, яже ти от Бога предана бысть непорочне; но настави ю на путь покаяния.
Слава Отцу и Сыну и Святому Духу.
Всю посрамлену душу мою привожду от лукавых ми помысл и дел: но предвари, наставниче мой, и исцеление ми подаждь благих помысл, уклоняти ми ся всегда на правыя стези.
И ныне и присно и во веки веков. Аминь.
Премудрости исполни всех и крепости Божественныя, Ипостасная Премудросте Вышняго, Богородицы ради, верою вопиющих: отец наших Боже, благословен еси.
Песнь 8
Ирмо́с: Царя Небеснаго, Егоже поют вои ангельстии, хвалите и превозносите во вся веки.
Припев: Святый Aнгеле Божий, хранителю мой, моли Бога о мне.
От Бога посланный, утверди живот мой, раба твоего, преблагий Aнгеле, и не остави мене во веки.
Припев: Святый Aнгеле Божий, хранителю мой, моли Бога о мне.
Ангела тя суща блага, души моея наставника и хранителя, преблаженне, воспеваю во веки.
Слава Отцу и Сыну и Святому Духу.
Буди ми покров и забрало в день испытания всех человек, воньже огнем искушаются дела благая же и злая.
И ныне и присно и во веки веков. Аминь.
Буди ми помощница и тишина, Богородице Приснодево, рабу Твоему, и не остави мене лишена быти Твоего владычества.
Песнь 9
Ирмо́с: Воистинну Богородицу Тя исповедуем, спасеннии Тобою, Дево чистая, с безплотными лики Тя величающе.
Иисусу: Господи Иисусе Христе Боже мой, помилуй мя.
Помилуй мя, едине Спасе мой, яко милостив еси и милосерд, и праведных ликов сотвори мя причастника.
Припев: Святый Aнгеле Божий, хранителю мой, моли Бога о мне.
Мыслити ми присно и творити, Господень Aнгеле, благая и полезная даруй, яко сильна яви в немощи и непорочна.
Слава Отцу и Сыну и Святому Духу.
Яко имея дерзновение к Царю Небесному, Того моли, с прочими безплотными, помиловати мя, окаяннаго.
И ныне и присно и во веки веков. Аминь.
Много дерзновение имущи, Дево, к Воплощшемуся из Тебе, преложи мя от уз и разрешение ми подаждь и спасение, молитвами Твоими.
Молитва к Aнгелу Xранителю
Святый Aнгеле Божий, хранителю мой, моли Бога о мне.
Ангеле Христов святый, к тебе припадая молюся, хранителю мой святый, приданный мне на соблюдение души и телу моему грешному от святаго крещения, аз же своею леностию и своим злым обычаем прогневах твою пречистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением, и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным возбешением, имый самохотение на всякое плотское вожделение. О, злое мое произволение, егоже и скоти безсловеснии не творят! Да како возможеши воззрети на мя, или приступити ко мне, аки псу смердящему? Которыма очима, ангеле Христов, воззриши на мя, оплетшася зле во гнусных делех? Да како уже возмогу отпущения просити горьким и злым моим и лукавым деянием, в няже впадаю по вся дни и нощи и на всяк час? Но молюся ти припадая, хранителю мой святый, умилосердися на мя грешнаго и недостойнаго раба твоего (имя), буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне и присно и во веки веков. Аминь.
Рекомендуем обратить внимание на подходящие иконы:Рукописная икона Ангел Хранитель с резьбой 68 (Размер 22*30 см)Цена от: 39 000
Рукописная икона Ангела Хранителя маслоЦена от: 24 000Резная икона Ангел Хранитель пояснойЦена от: 11 500
Молитвы Ангелу Хранителю
Ангел-Хранитель – Ангел, приставляемый Богом к человеку при крещении для охраны и помощи в добрых делах. Если бы не было Ангелов-Хранителей и наставников у людей добрых, благочестивых, тогда демоны истребили бы весь род человеческий, – если бы, то есть, Господь попустил им делать что им угодно с людьми: ибо злоба бесов к людям безмерна и зависть их к человеку не имеет пределов, ибо человек сотворён по образу Божию и предназначен к наследию вечной жизни на место падших ангелов» (святой праведный Иоанн Кронштадтский).
Молитва №1, основная (читается утром)
О, святой ангел, поставленный хранить мою бедную душу и мою несчастную жизнь, не оставь меня грешного, и не удаляйся от меня из-за невоздержания моего. Не дай возможности злому демону властвовать надо мною посредством страстей смертного тела сего.
Возьми крепко несчастную и опустившуюся мою руку и выведи меня на путь спасения.
О, святой Ангел Божий, хранитель и покровитель бедной моей души и тела, прости мне всё, чем я оскорбил тебя во все дни жизни моей, и если чем согрешил я в прошедшую ночь эту, защити меня в настоящий день и сохрани меня от всякого искушения вражеского, чтобы мне никаким грехом не прогневать Бога, и молись за меня Господу, да утвердит Он меня в страхе Своём и сделает меня рабом, достойным Своей милости. Аминь.
Молитва №2
Ангел Христов святой, к тебе припадая, молюсь, хранитель мой святой, приставленный ко мне от святого крещения для соблюдения души и тела меня, грешного!
Своею леностью и злым нравом прогневал я тебя, чистейшего и светлого, и отогнал тебя от себя всевозможными постыдными делами: ложью, клеветою, завистью, осуждением, презрением, непокорностью, ненавистью к братьям своим и злопамятством, сребролюбием, прелюбодеянием, яростью, скупостью, объедением ненасытным, пьянством, многословием, злыми и лукавыми помыслами и привычкой к гордости, блудным взбешением, имея желание ко всяким плотским удовольствиям.
О злое моё соизволение на то, чего и скоты неразумные не творят! И как же можешь ты взглянуть на меня, или приблизиться ко мне, подобного псу вонючему? Какими очами, Ангел Христов, посмотришь на меня, запутавшегося злосчастно в гнусных делах?
И сколько ещё смогу я просить о прощении горьких и злых моих и лукавых деяний, в которые впадаю во все дни и ночи, и на всякий час?
Но молюсь, припадая к тебе, хранитель мой святой, умилосердись надо мною грешным и недостойным рабом твоим (имя), будь мне помощником и заступником против злого моего противника святыми твоими молитвами, и удостой меня быть причастником Царствия Божия со всеми святыми всегда, и ныне, и присно, и во веки веков. Аминь.
Молитва №3
Ангел Христов, святой мой хранитель и покровитель души и тела моего, прости мне всё, в чём я согрешил сегодня, и избавь меня от всякого коварства нападающего на меня врага, чтобы мне никаким грехом не прогневать Бога моего.
Но молись за меня, грешного и недостойного раба, чтобы оказался я достойным благости и милости Всесвятой Троицы, и Матери Господа моего Иисуса Христа, и всех святых. Аминь.
Молитва №4
Ангел Божий, хранитель мой святой, данный мне для охраны от Бога с небес! Прилежно молю тебя: ты меня сегодня просвети, и от всякого зла сохрани, наставь делать дела благие, и на путь спасения направь. Аминь.
Молитва №5
О святой Ангел, хранитель и покровитель мой благой!
С сердцем сокрушённым и душой страдающей припадаю к тебе, молясь: услышь меня, грешного раба своего (имя), с воплем и плачем горьким взывающего; не помяни беззаконий моих и неправд, которыми я несчастный раздражаю тебя во все дни и часы, и мерзости творю перед Создателем нашим Господом;
явись мне милосердный и не отходи от меня, скверного, вплоть до кончины моей; пробуди меня от сна греховного и помоги твоими молитвами оставшееся время жизни моей прожить без грехов и сотворить достойные плоды покаяния, более же всего сохрани меня от пагубных грехопадений, да не погибну в отчаянии, и да не порадуется враг о погибели моей.
Знаю истинно и исповедую, что нет такого друга и ходатая, защитника и союзника, как ты, святой Ангел: ибо предстоя Престолу Господню, молишься о мне, негодном и великом грешнике, и да не отнимет Преблагой души моей неожиданно в день творения злобы.
Не прекращай умилостивлять Премилосердного Господа и Бога моего, да отпустит мне грехи мои, которые сотворил во всей жизни моей, делом, словом и всеми моими чувствами, и пусть Своим Божественным Промыслом да спасёт меня, наказав здесь по неизречённой милости Своей, но да не обличит и не накажет меня там по нелицемерному правосудию Своему; да удостоит меня принести покаяние, а после него Божественное Причащение достойно принять, о чём более всего молю и такого дара всеусердно желаю.
В страшный же час смерти будь неотступно при мне, благой хранитель мой, прогоняя мрачных демонов, устрашающих претрепетную душу мою; защити меня от их ловушек, когда буду проходить воздушные мытарства, да, храним тобою, безбедно достигну рая, мною вожделенного, где святые и Небесные бесплотные Силы непрестанно восхваляют всечестное и великолепое имя в Троице славимого Бога, Отца, и Сына и Святого Духа, Ему же подобает честь и поклонение во веки веков. Аминь.
Поделитесь на страничке
Следующая глава >
Молитва 1-я1
Аудио:
А́нгеле Христо́в святы́й, к тебе́ припа́дая молю́ся, храни́телю мо́й святы́й, прида́нный мне́ на соблюде́ние души́ и те́лу моему́ гре́шному от свята́го креще́ния, а́з же свое́ю ле́ностию и свои́м злы́м обы́чаем прогне́вах твою́ пречи́стую све́тлость и отгна́х тя́ от себе́ все́ми сту́дными де́лы: лжа́ми, клевета́ми, за́вистию, осужде́нием, презо́рством, непоко́рством, братоненавиде́нием, и злопомне́нием, сребролю́бием, прелюбодея́нием, я́ростию, ску́постию, объяде́нием без сы́тости и опи́вством, многоглаго́ланием, злы́ми по́мыслы и лука́выми, го́рдым обы́чаем и блу́дным возбеше́нием, имы́й самохоте́ние на вся́кое плотско́е вожделе́ние. О, зло́е мое́ произволе́ние, его́же и ско́ти безслове́снии не творя́т! Да ка́ко возмо́жеши воззре́ти на мя́, или́ приступи́ти ко мне́, а́ки псу́ смердя́щему? Кото́рыма очи́ма, а́нгеле Христо́в, воззри́ши на мя́, опле́тшася зле́ во гну́сных де́лех? Да ка́ко уже́ возмогу́ отпуще́ния проси́ти го́рьким и злы́м мои́м и лука́вым дея́нием, в ня́же впа́даю по вся́ дни́ и но́щи и на вся́к ча́с? Но молю́ся ти́ припа́дая, храни́телю мо́й святы́й, умилосе́рдися на мя́ гре́шнаго и недосто́йнаго раба́ твоего́ (и́мя), бу́ди ми́ помо́щник и засту́пник на зла́го моего́ сопроти́вника, святы́ми твои́ми моли́твами, и Ца́рствия Бо́жия прича́стника мя́ сотвори́ со все́ми святы́ми, всегда́, и ны́не и при́сно и во ве́ки веко́в. Ами́нь.
Перевод: Ангел Христов святой, к тебе припадая, молюсь, хранитель мой святой, приставленный ко мне от святого крещения для соблюдения души и тела меня, грешного! Я же своею леностью и своим злым нравом прогневал тебя, чистейшего и светлого, и отогнал тебя от себя всевозможными постыдными делами: ложью, клеветою, завистью, осуждением, непокорностью, ненавистью к братьям своим и злопамятством, сребролюбием, прелюбодеянием, яростью, скупостью, объедением ненасытным, многословием, злыми и лукавыми помыслами и привычкой к гордости, стремясь по собственной воле ко всякому плотскому вожделению. О злое мое соизволение на то, чего и скоты неразумные не творят! И как же сможешь ты взглянуть на меня, или приблизиться ко мне? Какими очами, Ангел Христов, посмотришь на меня, запутавшегося злосчастно в гнусных делах? И как еще смогу я просить о прощении горьких и злых моих и лукавых деяний, в которые впадаю во все дни и ночи, и на всякий час? Но молюсь, припадая к тебе, хранитель мой святой, умилосердись надо мною грешным и недостойным рабом твоим (имя), будь мне помощником и заступником против злого моего противника святыми твоими молитвами, и Царства Божия причастником меня соделай со всеми святыми вовеки. Аминь.
Молитва 2-я2
Аудио:
Святы́й А́нгеле, предстоя́й окая́нной мое́й души́ и стра́стной мое́й жи́зни, не оста́ви мене́ гре́шнаго, ниже́ отступи́ от мене́ за невоздержа́ние мое́. Не даждь ме́ста лука́вому де́мону облада́ти мно́ю, наси́льством сме́ртнаго сего́ телесе́; укрепи́ бе́дствующую и худу́ю мою́ ру́ку и наста́ви мя на путь спасе́ния. Ей, святы́й А́нгеле Бо́жий, храни́телю и покрови́телю окая́нныя моея́ души́ и те́ла, вся мне прости́, ели́кими тя оскорби́х во вся дни живота́ моего, и а́ще что согреши́х в преше́дшую нощь сию́, покры́й мя в настоя́щий день, и сохрани́ мя от вся́каго искуше́ния проти́внаго, да ни в ко́ем гресе́ прогне́ваю Бо́га, и моли́ся за мя ко Го́споду, да утверди́т мя в стра́се Свое́м, и досто́йна пока́жет мя раба́ Своея́ бла́гости. Ами́нь.
Перевод: Святой Ангел, поставленный блюсти мою бедную душу и страстную жизнь, не оставь меня, грешного, и не отступи от меня за невоздержание моё. Не дай возможности злому демону властвовать надо мною посредством смертного тела сего. Возьми крепко несчастную и опустившуюся мою руку и выведи меня на путь спасения. О святой Ангел Божий, хранитель и покровитель бедной моей души и тела! Прости мне всё, чем я оскорбил Тебя во все дни жизни моей, и если чем согрешил я в прошедшую ночь сию, защити меня в настоящий день и сохрани меня от всякого искушения вражеского, чтобы мне никаким грехом не прогневать Бога, и молись за меня Господу, да утвердит Он меня в страхе Своем и покажет меня рабом, достойным Своей благости. Аминь.
Молитва 3-я3
Аудио:
А́нгеле Христо́в, храни́телю мой святы́й и покрови́телю души́ и те́ла моего́, вся ми прости́, ели́ка согреши́х во дне́шний день, и от вся́каго лука́вствия проти́внаго ми врага́ изба́ви мя, да ни в ко́емже гресе́ прогне́ваю Бо́га моего́; но моли́ за мя гре́шнаго и недосто́йнаго раба́, я́ко да досто́йна мя пока́жеши бла́гости и ми́лости Всесвяты́я Тро́ицы и Ма́тере Го́спода моего́ Иису́са Христа́ и всех святы́х. Ами́нь.
Перевод: Ангел Христов, мой хранитель святой и покровитель души и тела моего! Прости мне всё, в чём я согрешил в сегодняшний день, и от всякого коварства идущего против меня врага избавь меня, чтобы никаким грехом не прогневал я Бога моего. Но молись за меня, грешного и недостойного раба, чтобы представить меня достойным благости и милости Всесвятой Троицы и Матери Господа моего Иисуса Христа, и всех святых. Аминь.
1 Канонник. Канон Ангелу-Хранителю.
2 Молитвы утренние.
3 Молитвы на сон грядущим.