Содержание
КАФИСМА ПЯТАЯ
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
Псалом Давиду, не надписан у еврей, 32
1Ра́дуйтеся, пра́веднии, о Го́споде, пра́вым подоба́ет похвала́. 2Испове́дайтеся Го́сподеви в гу́слех, во псалти́ри десятостру́ннем по́йте Ему. 3Воспо́йте Ему песнь но́ву, до́бре по́йте Ему со восклица́нием: 4я́ко пра́во сло́во Госпо́дне, и вся дела́ Его в ве́ре. 5Лю́бит ми́лостыню и суд Госпо́дь, ми́лости Госпо́дни испо́лнь земля́. 6Сло́вом Госпо́дним небеса́ утверди́шася, и ду́хом уст Его вся си́ла их. 7Собира́яй я́ко мех во́ды морски́я, полага́яй в сокро́вищах бе́здны. 8Да убои́тся Го́спода вся земля́, от Него́же да подви́жутся вси живу́щии по вселе́нней. 9Яко Той рече́, и бы́ша, Той повеле́, и созда́шася. 10Госпо́дь разоря́ет сове́ты язы́ков, отмета́ет же мы́сли люде́й, и отмета́ет сове́ты князе́й. 11 Сове́т же Госпо́день во век пребыва́ет, помышле́ния се́рдца Его в род и род. 12Блаже́н язы́к, ему́же есть Госпо́дь Бог его, лю́ди, я́же избра́ в насле́дие Себе́. 13С Небесе́ призре́ Госпо́дь, ви́де вся сы́ны челове́ческия. 14 От гото́ваго жили́ща Своего́ призре́ на вся живу́щыя на земли́. 15Созда́вый на еди́не сердца́ их, разумева́яй на вся дела́ их. 16Не спасе́тся царь мно́гою си́лою, и исполи́н не спасе́тся мно́жеством кре́пости своея́. 17 Лож конь во спасе́ние, во мно́жестве же си́лы своея́ не спасе́тся. 18Се о́чи Госпо́дни на боя́щыяся Его́, упова́ющыя на ми́лость Его́. 19Изба́вити от сме́рти ду́шы их, и препита́ти я́ в глад. 20Душа́ же на́ша ча́ет Го́спода, я́ко Помо́щник и Защи́титель наш есть. 21Яко о Нем возвесели́тся се́рдце на́ше, и во и́мя свято́е Его упова́хом. 22Бу́ди, Го́споди, ми́лость Твоя́ на нас, я́коже упова́хом на Тя.
1Псалом Давиду, внегда измени лице свое пред Авимелехом, и отпусти его, и отъиде, 33
2Благословлю́ Го́спода на вся́кое вре́мя, вы́ну хвала́ Его во усте́х мои́х. 3 О Го́споде похва́лится душа́ моя́, да услы́шат кро́тцыи и возвеселя́тся. 4Возвели́чите Го́спода со мно́ю и вознесе́м и́мя Его вку́пе. 5Взыска́х Го́спода и услы́ша мя, и от всех скорбе́й мои́х изба́ви мя. 6Приступи́те к Нему́ и просвети́теся, и ли́ца ва́ша не постыдя́тся. 7Сей ни́щий воззва́, и Госпо́дь услы́ша и́, и от всех скорбе́й его спасе́ и́. 8Ополчи́тся Ангел Госпо́день о́крест боя́щихся Его, и изба́вит их. 9Вкуси́те и ви́дите, я́ко благ Госпо́дь; блаже́н муж, и́же упова́ет Нань. 10Бо́йтеся Го́спода, вси святи́и Его, я́ко несть лише́ния боя́щымся Его. 11Бога́тии обнища́ша и взалка́ша, взыска́ющии же Го́спода не лиша́тся вся́каго бла́га. 12 Прииди́те, ча́да, послу́шайте мене́, стра́ху Госпо́дню научу́ вас. 13Кто́ есть челове́к хотя́й живо́т, любя́й дни ви́дети бла́ги? 14Удержи́ язы́к твой от зла, и устне́ твои́, е́же не глаго́лати льсти. 15Уклони́ся от зла и сотвори́ бла́го. Взыщи́ ми́ра, и пожени́ и́. 16о́чи Госпо́дни на пра́ведныя, и у́ши Его в моли́тву их. 17Лице́ же Госпо́дне, на творя́щыя зла́я, е́же потреби́ти от земли́ па́мять их. 18Воззва́ша пра́веднии, и Госпо́дь услы́ша их, и от всех скорбе́й их изба́ви их. 19Близ Госпо́дь сокруше́нных се́рдцем, и смире́нныя ду́хом спасе́т. 20Мно́ги ско́рби пра́ведным, и от всех их изба́вит я́ Госпо́дь. 21Храни́т Госпо́дь вся ко́сти их, ни еди́на от них сокруши́тся. 22Смерть гре́шников люта́, и ненави́дящии пра́веднаго прегре́шат. 23 Изба́вит Госпо́дь ду́шы раб Свои́х, и не прегреша́т вси, упова́ющии на Него́.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́, Бо́же. (три́жды)
Го́споди, поми́луй (три́жды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Псалом Давиду, 34
1Суди́, Го́споди, оби́дящыя мя, побори́ борю́щыя мя. 2Приими́ ору́жие и щит, и воста́ни в по́мощь мою́. 3Изсу́ни мечь, и заключи́ сопроти́в гоня́щих мя. Рцы души́ мое́й: спасе́ние твое́ есмь Аз. 4Да постыдя́тся и посра́мятся и́щущии ду́шу мою, да возвратя́тся вспять и постыдя́тся мы́слящии ми зла́я. 5Да бу́дут я́ко прах пред лице́м ве́тра, и Ангел Госпо́день оскорбля́я их. 6Да бу́дет путь их тма и по́лзок, и Ангел Госпо́день погоня́яй их: 7я́ко ту́не скры́ша ми па́губу се́ти своея́, всу́е поноси́ша души́ мое́й. 8Да прии́дет ему сеть, ю́же не весть, и лови́тва, ю́же скры, да объи́мет и́, и в сеть да впаде́т в ню. 9Душа́ же моя́ возра́дуется о Го́споде, возвесели́тся о спасе́нии Его. 10Вся ко́сти моя́ реку́т: Го́споди, Го́споди, кто́ подо́бен Тебе́? Избавля́яй ни́ща из руки́ кре́пльших его́, и ни́ща, и убо́га от расхища́ющих его́. 11Воста́вше на мя свиде́теле непра́веднии, я́же не ве́дях, вопроша́ху мя. 12Возда́ша ми лука́вая воз блага́я, и безча́дие души́ мое́й. 13Аз же, внегда́ они́ стужа́ху ми, облача́хся во вре́тище, и смиря́х посто́м ду́шу мою́, и моли́тва моя́ в не́дро мое́ возврати́тся. 14Яко бли́жнему, я́ко бра́ту на́шему, та́ко угожда́х, я́ко пла́ча и се́туя, та́ко смиря́хся. 15И на мя возвесели́шася и собра́шася: собра́шася на мя ра́ны, и не позна́х, раздели́шася, и не умили́шася. 16Искуси́ша мя, подражни́ша мя подражне́нием, поскрежета́ша на мя зубы́ свои́ми. 17 Го́споди, когда́ у́зриши? Устро́й ду́шу мою от злоде́йства их, от лев единоро́дную мою. 18Испове́мся Тебе́ в це́ркви мно́зе, в лю́дех тя́жцех восхвалю́ Тя. 19Да не возра́дуются о мне вражду́ющии ми непра́ведно, ненави́дящии мя туне и помиза́ющии очи́ма. 20Яко мне у́бо ми́рная глаго́лаху и на гнев ле́сти помышля́ху. 21Разшири́ша на мя уста́ своя́, ре́ша: бла́гоже, бла́гоже, ви́деша о́чи на́ши. 22Ви́дел еси́, Го́споди, да не премолчи́ши. Го́споди, не отступи́ от мене́. 23Воста́ни, Го́споди, и вонми́ суду́ моему́, Бо́же мой и Го́споди мой, на прю мою́. 24суди́ ми, Го́споди, по пра́вде Твое́й, Го́споди Бо́же мой, и да не возра́дуются о мне. 25Да не реку́т в сердца́х своих: бла́гоже, бла́гоже души́ на́шей, ниже́ да реку́т: пожро́хом его́. 26Да постыдя́тся и посра́мятся вку́пе ра́дующиися злом мои́м, да облеку́тся в студ и срам велере́чующии на мя. 27Да возра́дуются и возвеселя́тся хотя́щии пра́вды моея́, и да реку́т вы́ну: да возвели́чится Госпо́дь, хотя́щии ми́ра рабу́ Его. 28И язы́к мой поучи́тся пра́вде Твое́й, весь день хвале́ Твое́й.
1В коне́ц, отроку Госпо́дню Давиду, 35
2Глаго́лет пребеззако́нный согреша́ти в себе́: несть стра́ха Бо́жия пред очи́ма его. 3Яко ульсти́ пред ним обрести́ беззако́ние свое́ и возненави́дети. 4Глаго́лы уст его беззако́ние и лесть, не восхоте́ разуме́ти е́же ублажи́ти. 5Беззако́ние помы́сли на ло́жи свое́м: предста́ вся́кому пути́ небла́гу, о зло́бе же не негодова́. 6Го́споди, на Небеси́ ми́лость Твоя́ и и́стина Твоя́ до о́блак. 7Пра́вда Твоя́, я́ко го́ры Бо́жия, судьбы́ Твоя́ бе́здна мно́га. Челове́ки и скоты́ спасе́ши, Го́споди. 8Яко умно́жил еси́ ми́лость Твою, Бо́же, сы́нове же челове́честии в кро́ве крилу́ Твое́ю наде́ятися и́мут. 9Упию́тся от ту́ка до́му Твоего́, и пото́ком сла́дости Твоея́ напои́ши я́. 10Яко у Тебе́ исто́чник живота́, во све́те Твое́м у́зрим свет. 11Проба́ви ми́лость Твою́ ве́дущим Тя и пра́вду Твою пра́вым се́рдцем. 12Да не прии́дет мне нога́ горды́ни, и рука́ гре́шнича да не подви́жит мене́. 13Та́мо падо́ша вси де́лающии беззако́ние: изринове́ни бы́ша, и не возмо́гут ста́ти.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́, Бо́же. (три́жды)
Го́споди, поми́луй (три́жды)
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Псалом Давиду, 36
1Не ревну́й лука́внующым, ниже́ зави́ди творя́щим беззако́ние. 2Зане́ я́ко трава́ ско́ро и́зсшут, я́ко зе́лие зла́ка ско́ро отпаду́т. 3Упова́й на Го́спода и твори́ благосты́ню, и насели́ зе́млю, и упасе́шися в бога́тстве ея́. 4Наслади́ся Го́сподеви, и даст ти проше́ния се́рдца Твоего́. 5Откры́й ко Го́споду путь твой и упова́й на Него, и Той сотвори́т: 6и изведе́т, я́ко свет, пра́вду твою́ и судьбу́ твою, я́ко полу́дне. 7Повини́ся Го́сподеви и умоли́ Его. Не ревну́й спе́ющему в пути́ свое́м, челове́ку, творя́щему законопреступле́ние. 8Преста́ни от гне́ва и оста́ви я́рость, не ревну́й е́же лука́вновати. 9Зане́ лука́внующии потребя́тся, терпя́щии же Го́спода, ти́и насле́дят зе́млю. 10И еще́ ма́ло, и не бу́дет гре́шника, и взы́щеши ме́сто его́, и не обря́щеши. 11Кро́тцыи же насле́дят зе́млю и насладя́тся о мно́жестве ми́ра. 12Назира́ет гре́шный пра́веднаго и поскреже́щет нань зубы́ свои́ми. 13Госпо́дь же посмее́тся ему, зане́ прозира́ет, я́ко прии́дет день его. 14Мечь извлеко́ша гре́шницы, напряго́ша лук свой, низложи́ти убо́га и ни́ща, закла́ти пра́выя се́рдцем. 15Мечь их да вни́дет в се́рдца их, и лу́цы их да сокруша́тся. 16Лу́чше ма́лое пра́веднику, па́че бога́тства гре́шных мно́га. 17Зане́ мы́шцы гре́шных сокруша́тся, утвержда́ет же пра́ведныя Госпо́дь. 18Весть Госпо́дь пути́ непоро́чных, и достоя́ние их в век бу́дет. 19Не постыдя́тся во вре́мя лю́тое, и во днех гла́да насы́тятся, я́ко гре́шницы поги́бнут. 20Врази́ же Госпо́дни, ку́пно просла́витися им и вознести́ся, исчеза́юще я́ко дым исчезо́ша. 21Зае́млет гре́шный и не возврати́т, пра́ведный же ще́дрит и дае́т. 22Яко благословя́щии Его насле́дят зе́млю, клену́щии же Его потребя́тся. 23От Го́спода стопы́ челове́ку исправля́ются, и пути́ его восхо́щет зело́. 24Егда́ паде́т, не разбие́тся, я́ко Госпо́дь подкрепля́ет ру́ку его́. 25Юне́йший бых, и́бо состаре́хся, и не ви́дех пра́ведника оста́влена, ниже́ се́мени его́ прося́ща хле́бы. 26Весь день ми́лует и взаи́м дае́т пра́ведный, и се́мя его во благослове́ние бу́дет. 27Уклони́ся от зла и сотвори́ бла́го, и всели́ся в век ве́ка. 28Яко Госпо́дь лю́бит суд и не оста́вит преподо́бных Свои́х, во век сохраня́тся. Беззако́нницы же изжену́тся, и се́мя нечести́вых потреби́тся. 29Пра́ведницы же насле́дят зе́млю и вселя́тся в век ве́ка на ней. 30Уста́ пра́веднаго поуча́тся прему́дрости, и язы́к его возглаго́лет суд. 31Зако́н Бо́га его в се́рдце его́, и не за́пнутся стопы́ его. 32Сматря́ет гре́шный пра́веднаго и и́щет е́же умертви́ти его́. 33Госпо́дь же не оста́вит его́ в руку́ его, ниже́ осу́дит его, егда́ су́дит ему́. 34Потерпи́ Го́спода и сохрани́ путь Его, и вознесе́т тя, е́же насле́дити зе́млю, внегда́ потребля́тися гре́шником у́зриши. 35Ви́дех нечести́ваго превознося́щася и вы́сящася, я́ко ке́дры Лива́нския. 36И ми́мо идо́х, и се не бе, и взыска́х его, и не обре́теся ме́сто его́. 37Храни́ незло́бие и виждь правоту́, я́ко есть оста́нок челове́ку ми́рну. 38Беззако́нницы же потребя́тся вку́пе: оста́нцы же нечести́вых потребя́тся. 39Спасе́ние же пра́ведных от Го́спода, и Защи́титель их есть во вре́мя ско́рби. 40И помо́жет им Госпо́дь, и изба́вит их, и и́змет их от гре́шник, и спасе́т их, я́ко упова́ша на Него́.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́, Бо́же. (три́жды)
Святы́й Бо́же, Святы́й Кре́пкий, Святы́й Безсме́ртный, поми́луй нас. (три́жды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй (три́жды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам долги́ на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Таже тропари, глас 5.
Стра́шный Твой Престо́л, лука́вое мое́ житие́. И кто мя изба́вит тогда́шния ну́жды, а́ще не Ты поми́луеши мя, Христе́ Бо́же, я́ко Щедр и Человеколю́бец?
Слава: Попече́ние жития́ изгна́ мя рая́, и что сотворю́, отча́янный. Сего́ ра́ди толку́ во врата́ и зову́: Го́споди, Го́споди, отве́рзи ми покая́нием и спаси́ мя.
И ныне: Кий нарече́м храм Твой, Богоро́дице? Приста́нище ли духо́вное? или́ рай сла́дости Небе́сныя, хода́тайствен жи́зни неконча́емыя? Вся бо и́маши до́брая, всегда́ моли́ся Христу́ спасти́ся душа́м на́шим.
Го́споди, поми́луй (40)
И молитва
Бо́же Пра́ведный и Хва́льный, Бо́же Вели́кий и Кре́пкий, Бо́же Преве́чный, услы́ши гре́шнаго му́жа моли́тву в час сей: услы́ши мя, обеща́вый услы́шати во и́стине Тя призыва́ющих, и не омерзи́ мя, нечи́стыя устне́ иму́ща и во гресе́х содержи́ма, упова́ние всех конце́в земли́ и стра́нствующих дале́че. Приими́ ору́жие и щит и воста́ни в по́мощь мою́: изле́й мечь и заключи́ сопроти́в гоня́щих мя. Запрети́ нечи́стым духово́м от лица́ безу́мия моего́, и да отлучи́тся от моея́ мы́сли дух не́нависти и злопомне́ния, дух за́висти и ле́сти, дух боя́зни и уны́ния, дух го́рдости и вся́кия ины́я зло́бы; и да уга́снет вся́кое разжже́ние и движе́ние пло́ти моея́, от диа́вольскаго де́йства составля́емое, и да просвети́тся моя́ душа́ и те́ло, и дух све́том Твоего́ Боже́ственнаго позна́ния: да мно́жеством щедро́т Твои́х дости́гну соедине́ния ве́ры, в му́жа соверше́нна, в ме́ру во́зраста, и просла́влю со Ангелы и все́ми святы́ми Твои́ми всечестно́е и великоле́пое и́мя Твое́, Отца́ и Сы́на и Свята́го Ду́ха, ны́не и при́сно, и во ве́ки веко́в, ами́нь.
Православный молитвослов и Псалтирь
Научи мя, Господи, усердно молиться Тебе со вниманием и любовию, без которых молитва не бывает услышана! Да не будет у меня небрежной молитвы во грех мне!
Православный молитвослов и Псалтирь. — М. : Изд-во Сретенского монастыря, 2018. — 832 с. «Православный молитвослов и Псалтирь», выпущенный издательством Сретенского монастыря, содержит ежедневное утреннее и вечернее правило православного христианина; каноны, акафисты и последование ко святому Причащению; тексты Всенощного бдения и Божественной Литургии и Псалтирь. Молитвослов дополнен песнопениями из служб воскресных и будничных, песнопениями из служб на всякую потребу и молитвами на разные случаи жизни. Сюда включены редкие молитвы о семье, о близких, молитвы за Отечество, «Богородичное правило», «Пяточисленные молитвы», а также «Канон преподобному Паисию Великому об избавлении от мук умерших без покаяния» и «Чин молитвеннаго утешения сродников живот свой самовольне скончавшаго». Есть в новом молитвослове разделы «В помощь кающемуся», «О молитве», «Пояснение церковнославянских слов и богослужебных терминов» и многое другое. Молитвослов составлен священником Сергием Филимоновым.
Из «Поучения святителя Игнатия (Брянчанинова) о молитвенном правиле:
«Молитвенное правило есть собрание нескольких молитв, сочиненных богодухновенными святыми отцами, приспособленное к известному обстоятельству и времени».
«Цель правила — доставить душе недостающее ей количество молитвенных мыслей и чувств, притом мыслей и чувств правильных, святых, истинно богоугодных. Такими мыслями и чувствами наполнены благодатные молитвы святых отцов».
«Возлюбленные! Покорим свою свободу правилу: оно, лишив нас свободы пагубной, свяжет нас только для того, чтоб доставить нам свободу духовную, свободу во Христе. Цепи сначала покажутся тягостными, потом сделаются драгоценными для связанного ими. Все святые Божии приняли на себя и несли благое иго молитвенного правила; подражанием им и мы последуем в этом случае Господу нашему Иисусу Христу, Который, вочеловечившись и указав нам Собой образ поведения, действовал так, как действовал Отец Его (Ин. 5, 19), говорил то, что заповедал Ему Отец (Ин. 12, 49), имел целью исполнить во всем волю Отца (Ин. 5, 30). Воля Отца и Сына и Святаго Духа — одна. По отношению к людям она заключается в спасении людей».
Молитвы утренние
Молитвы на сон грядущим
Канон покаянный ко господу нашему Иисусу Христу
Канон молебный ко Пресвятой Богородице, поемый во всякой скорби душевной и обстоянии
Канон Ангелу Хранителю
Канон святому Иоанну Предтече
Акафист Иисусу Сладчайшему
Акафист Пресвятой Богородице
Акафист святителю Николаю
Последование ко Святому Причащению
Благодарственные молитвы по Святом Причащении
Час девятый
Всенощное бдение
Часы третий и шестой
Божественная Литургия
Песнопения из служб воскресных восьми гласов
Песнопения из служб будничных
Песнопения из служб общих ликам святых
О знаках господских и богородичных
Праздников и святых
Песнопения из служб праздничных
Песнопения из служб Триоди постной
Песнопения из Триоди цветной
Канон Пасхи, глас 1
Часы Пасхи
На литургии в дни Пасхи
Песнопения из служб на всякую потребу
Призывание помощи Духа Святого на всякое доброе дело
Благодарение за всякое благодеяние Божие
О путешествующих
О болящих
О умножении любви
О заключенных
Во время бедствия и при нападении врагов
Во время бездождия
Во время безведрия
Различные молитвы
О даровании молитвы
Молитва Оптинских старцев на начало дня
Перед началом всякого дела
По окончании дела
Молитва идущего в церковь
Молитва на принятие просфоры и святой воды
Перед вкушением пищи
На благословение пищи и пития мирянами
После вкушения пищи
Молитва к Пресвятой Богородице от человека, собирающегося в путь
Перед выходом из дома
На освящение всякой вещи
Перед чтением духовных книг
Две утренние молитвы
Молитва чтимому святому
Молитва в день рождения
Молитва Антиоха монаха Пандекта из малого повечерья
Молитва на вхождение в новый дом
Молитва по соглашению
Песнь хвалебная святителя Амвросия, епископа Медиоланского
Молитвы иерея (свт. Иннокентия, митрополита Московского)
Молитва иерея (праведного Иоанна Кронштадтского)
Молитвы за ближних
Молитва Богу Отцу
Молитвы ко Господу Иисусу Христу
Молитвы ко Пресвятой Богородице
Молитвы святым угодникам Божиим
Молитвы на разные случаи в семейной жизни
Благословение на вступление в брак
О покровительстве вступающим в брак
О счастии брака
О совете и любви между мужем и женой
Об обретении своего жилища
О послании работы преподобного Алексия Зосимовского
О всякой семейной и бытовой нужде
При неплодстве
Молитва супругов о даровании детей
При желании иметь дитя мужского пола
Молитвы о благополучном о рождении здоровых детей
При недостатке материнского молока
Молитвы отца или матери о детях
О воспитании детей в христианском благочестии
О развитии ума у детей
Молитва перед началом обучения
Молитва о плохо учащемся отроке
О благостоянии детей в обществе
О потерянных детях
В печали о детях, где они находятся и живы ли
При нарушении сна у младенцев
В болезнях младенцев
О покровительстве детям
О целомудрии и благополучном замужестве дочерей
Молитва девицы о замужестве
О спасении от насилия
При женском недомогании
Об устранении семейных неурядиц
О заступничестве вдов и сирот, о помощи в нужде
О благополучии второго брака
О благополучном возвращении сродников из дальней поездки
О помощи в житейских делах, о благословении Божием над домом
Молитвенное последование с каноном покаянным о грехе убийства чад во утробе (аборте)
Молитвы, в скорбях и искушениях творимые
В скорби или недуге
В беде, печали и скорби
О ненавидящих и обидящих нас
Просьба защиты от обидчика
Молитва о примирении враждующих
Об умножении любви и искоренении ненависти и всякой злобы
Об укрощении людского гнева
О умирении вражды между близкими
О помощи в бедности и нужде
Молитва ко Господу о прощении, заступлении и помощи
При опасности потопления
О спасении от насилия
При нападении зверей
От укушения гада
При нападении грабителей
Об обращении заблудшего
Во время голода
От засухи, грозы, града
Молитвенное правило преподобного Амвросия Оптинского
1. Правило, читаемое во время скорби
2. Правило, читаемое во время искушений
Молитвы за болящих
Молитва о том, чтобы с любовью
ухаживать за болящими
Канон за болящего
Молитва на всякую немощь
Молитва до и после чтения Евангелия
Молитва на немощного и неспящего
Молитва во время эпидемии
Молитва благодарственная
Молитвы об исцелении телесных недугов
Молитвы об исцелении болящего от телесных недугов
О терпении болезней и несчастий
От разных недугов и болезней
Головные болезни
Глазные болезни, слепота
Зубная боль
Болезни сердца
Немота
Потеря слуха и болезни ушей
Грудные болезни
Болезни чревные, грыжа
Болезни ног
Увечье или боль рук
Горячка, лихорадка, жар
Женские немощи
Проказа
Бессонница
Паралич
Болезни крови
Нарывы
Кожные болезни и язвы
Водянка
При общей слабости, бессоннице и потере аппетита
Рак
Молитвы об исцелении душевных и духовных недугов
При обуревании души неверием
В отчаянии
В унынии
О даровании покаяния
От гордыни и самомнения
От сребролюбия
От недуга пьянства
При обуревании плотской страстию
В душевной болезни
Об укреплении в перенесении поста
Об избавлении от мыслей о самоубийстве
При гневливости
О возвращении церкви отпавших от нее по навету диавольскому
Молитвы святым об исцелении от беснования
Молитвы, при нападении нечистой силы творимые
Молитва для защиты от нечистой силы
Об умягчении злых сердец и при защите от напастей злых человек
Правило об избавлении от злых помыслов
О прогнании лукавых духов и за злых людей
От мысленных бесовских искушений
Во время брани плотской
Правило от осквернения
Молитвы Ангелам на каждый день недели
Молитвы перед иконами Божией Матери
Перед иконой «Неопалимая Купина»
Перед иконой Иверской
Перед иконой Казанской
Перед иконой «Всех скорбящих Радость»
Перед иконой «Скоропослушница»
Перед иконой «В скорбех и печалех Утешение»
Перед иконой «Знамение»
Перед иконой Боголюбская
Перед иконой «Спасительница утопающих»
Перед иконой «Млекопитательница»
Перед иконой «Утоли моя печали»
Перед иконой «Державная»
Перед иконой Коневской
Перед иконой «Слово плоть бысть»
Перед иконой Феодоровской
Перед иконой «Прозрение очес»
Перед иконой «Живоносный Источник»
Перед иконой Виленской «Одигитрия»
Перед иконой «Неупиваемая Чаша»
Перед иконой Владимирской
Перед иконой «Недремлющее Око»
Перед иконой «Достойно есть»
Перед иконой Тихвинской
Перед иконой «Троеручица»
Перед иконой Почаевская
Перед иконой Смоленской «Одигитрия»
Перед иконой «Всецарица» (Пантанасса)
Перед иконой «Успение» Киево-Печерской
Пред иконой Серафимо-Дивеевская
Перед иконой Абалацская
Пред иконой Покрова Пресвятой Богородицы
Задостойники
Богородичное правило
Пяточисленные молитвы
Молитвы за Отечество
Тропарь Святому и Животворящему Кресту и за Отечество
Молитва о спасении державы Российской
и утолении в ней раздоров и нестроений
Молитвы ко Пресвятой Богородице
Молитвы русским святым
Молитва о благостоянии мира
Молитвы за воинов
Во время бедствия и нашествия врагов, иноплеменников и иноверных
Молитва против супостатов
Молитва перед сражением
Об охранении жизни воинов на поле брани
Молитва о возвращении мирных времен преподобного Ефрема Сирина
Молитвы о заключенных
Молитва о в узах сущих
Молитва иная
Молитва узника в темнице заключенного
Молитва заключенного к Божией Матери
Молитва заключенного к святому Иоанну Предтече
Молитва заключенного к Ангелу Хранителю
Молитва великомученице Анастасии, именуемой Узорешительница
Преподобному Петру Афонскому
Напутствие христианина перед смертью. Заупокойные молитвы
Кончина человека
Последование при разлучении души от тела
Последование по исходе души от тела
Иные заупокойные молитвы
Моление о том, чтобы Бог даровал нам усердие к молитве за усопших и принял ее
Молитва по исходе души из тела
Молитва Ангелу Хранителю
Молитва ко Пресвятой Богородице
Молитва за всех в вере скончавшихся православных христиан
Молитва вторая за всех в вере скончавшихся православных христиан
Молитва третья за всех в вере скончавшихся православных христиан
Молитва четвертая за всех в вере скончавшихся православных христиан
Молитва за умирающего
Молитва за всякого усопшего
Молитва за благодетелей, особенно руководивших к добродетели
Молитва за пастырей Православной Церкви
Молитва за наставников и воспитателей
Молитва за обидевших и ненавидевших нас
Молитва за скончавшихся вне своего Отечества, за безродных и убогих
Молитва о скончавшихся в состоянии душевного заболевания
Молитва вторая о скончавшихся в состоянии душевного заболевания
Молитва о упокоении скончавшихся после тяжкой и продолжительной болезни
Моление о упокоении православных воинов, за веру и Отечество на брани убиенных
Молитва за усопших внезапной (скоропостижной) смертью
Молитва вдовца за супругу
Молитва детей за родителей
Молитва родителей за детей
Молитва вдовицы за супруга
Молитвы об усопших
Семнадцатая кафизма (поминальная), чтомая в дни особого поминовения усопших
Последование панихиды
Чин литии, совершаемый мирянином дома и на кладбище
Моление мученику Уару за некрещеных
Приготовление усопшего к погребению
Молитвословия на поминальной трапезе
Канон преподобному Паисию Великому об избавлении от мук умерших без покаяния
О молитвенном утешении сродников живот свой самовольне скончавшаго
Чин молитвеннаго утешения сродников живот свой самовольне скончавшаго
Молитва преподобного Льва Оптинского для келейного чтения
О грехе самоубийства
Псалтирь пророка Давида
В помощь кающемуся
О молитве
Как должно молиться в церкви
Правила о поклонах и крестном знамении
Поучение святителя Игнатия (Брянчанинова) о молитвенном правиле
Чин келейного чтения канонов и акафистов
О молитве Иисусовой
О даровании молитвы
Молитва человека, страдающего рассеянием, невниманием, нерадением в молитве
Молитва Оптинских старцев о даровании молитвы Иисусовой
Правило преподобного Серафима Саровского для мирян
Указатель
I. Тропарей, кондаков и молитв пред чудотворными иконами Божией Матери
II. Основных тропарей, кондаков и молитв святым
Пояснение церковнославянских слов и богослужебных терминов