Содержание
Священномученик Алекса́ндр Смирнов, пресвитер
Служба священномученикам Александру Смирнову и Феодору Ремизову
НА ВЕЛИЦЕЙ ВЕЧЕРНИ
На Господи, воззвах: стихиры, глас 5
Подобен: Радуйся, Живоносный Кресте:
На Брак Агнчий Владыкою Христом призвани, / во одежду светлу добродетелей одеялися есте / и угодны явистеся Христу Богу со всеми святыми, / наслаждающеся нетленною пищею // во Царствии Небеснем.
В багряныя ризы / кровию твоею облачился еси / и явился еси истиннейший священник Бога Вышняго, / во Царствии Небеснем ныне пребываеши, / священномучениче Александре, / молися даровати нам грехов прощение // и веры утверждение.
Воистину дар Божий / явишася нам мощи твоя, / святый священномучениче Феодоре, / болезни телесныя исцеляюще, / и душевныя страсти искореняюще, / и в нуждах помогающе, // всем любовию тя почитающим.
Плодоносное прозябение веры Христовы / явистеся мученицы, Александре и Феодоре. / Темже кровию вашею / землю нашу освящающе / и Церковь Русскую украшающе, / молите Христа Бога, // да соблюдет нас от всякаго навета вражия.
Слава, глас 6:
Днесь благодать Святаго Духа нас cобра / в прославление святых священномучеников Александра и Феодора, / тии бо предстоят Престолу Всецаря // и молятся о спасении душ наших.
И ныне: Богородичен
“Кто Тебе не ублажит…”
Вход.
Прокимен дне.
И чтения новомучеником:
Деян. 4,6-31; 2 Тим. 4,1-8; Евр. 11,33-40.
На литии стихира новомучеником, глас 6:
Подобен: Отчаянная:
Творение святителя Афанасия Ковровскаго.
Стихиры на стиховне, глас 2:
Подобне древним мучеником, святии Александре и Феодоре, / во страданиих страшных пребысте непоколебими / и мучителем вашим вопиясте: / страха вашего не убоимся, ниже смутимся, // яко с нами Бог.
Стих: Проидохом сквозе огнь и воду, / и извел еси ны в покой.
Небрегше о сосудех телес ваших, / в различных изтязаниих / мученически течение жития скончасте, / темже, память вашу празднующе, / цветы песненными венчаем вас, / ходатаев наших пред Христом Богом, // Егоже молите спасти и просветити души наша.
Стих: Блажени живущии в дому Твоем,/ в веки веков восхвалят Тя.
Егда, яко мученики, имеюще дерзновение / ко Христу Богу нашему, / востаните судити мирови / во Второе Пришествие Его: // тогда помяните и нас, память вашу любовию празднующих.
Слава, глас 2:
Яко плод зрелый благочестный / сподобистеся принести Христу телеса ваша, / священномученицы Александре и Феодоре, / и собрани бысте в житницу Его, // молите спасти и просветити души наша.
И ныне, глас 6:
Егда приидет времен исполнение, / труба же Архангелова вострубит, / престоли судищныя поставятся и река огненная возшумит, / мертвии возстанут и живии восхищени будут, / и явится знамение Сына Человеческаго на Небесех,/ вси земнороднии восплачутся, / и вся силы небесныя поколеблются, / тогда Дева Богородица, / грешных Спасение и ненадежных Надежда, / одесную Судии предстоящи, явится, / Пречистеи Свои руце к Сыну простирающи, / и слезами ланиты Своя милостивно орошающи, / и вечнаго мучения избавляющи, / имя Ея препетое призывающих. / Темже убо, братие, / ныне потщимся и к Богородице прибегати не обленимся, / да и нас заступит в оный страшный час, / все упование на Ню возлагающих.
По Ныне отпущаеши:
тропарь священномучеником дважды
и Богородице Дево: единожды.
Тропарь, глас 1:
Бескровную Жертву Богу приносяще, / предстояли есте престолу земнаго храма. / Излиявше же кровь свою за Христа, / днесь предстоите Небесному Престолу Царя Славы, / святии священномученицы Александре и Феодоре, // молитеся непрестанно спастися душам нашим.
НА УТРЕНИ
По 1 — ом стихословии седален:
Вы, святии Александре и Феодоре, яко священницы Бога Вседержителя, приясте власть прощати и решити грехи, разрешите зол моих множество и направите жизнь мою на путь заповедей Божиих.
Слава, и ныне:
Яко юродивыя девы не имам светильника покаяния, не обретох бо елея милости, слез и воздыханий сердечных, тщетно толку в двери, затворенныя ми грехом: Мати Божия, отверзи ми двери милости Твоея.
По 2 — ом стихословии седален:
Законно пострадасте, венцами нетленными от Господа венчалися есте, и нас утвердите подвигом добрым подвизатися, течение жизни достойно совершити, вас бо теплыя ходатаив ко Спасу стяжахом.
Слава, и ныне:
Буди нам Заступница и Покров от враг видимых и невидимых, Пресвятая Богородице, и Предстательница пред Богом, молящи Его вкупе со священномучениками Александром и Феодором о спасении нашем.
На полиелее величание:
Величаем вас, / святии священномученицы Александре и Феодоре, / и чтим честная страдания ваша, / яже за Христа // претерпели есте.
Псалом избранный: Бог нам прибежище и сила:
Седален по полиелеи:
Днесь двоицу святых страдальцев прославим, крепкаго духом Александра и мужественнаго Феодора, сии бо службу святым братиям Косме и Дамиану совершивше, спострадати им сподобишася, яко братия духовнии суще, ныне же молятся Христу Богу в вере, надежди и любви сохранитися нам.
Слава, и ныне:
Богородице, Упование наше, буди нам Помощница и Предстательница пред Сыном Твоим, Христом Богом нашим, во вся дни живота нашего.
Прокимен, глас 4: Проидохом сквозе огнь и воду, / и извел еси ны в покой.
Стих: Разжегл ны еси, якоже разжизается сребро.
Стихира по 50-м псалме, глас 6:
Како возможем прославити вас по достоянию / или что принесем вам в дар, / святии священномученицы Александре и Феодоре, / от Самаго Христа Бога прославлении? / Но приимите усердныя мольбы наша, // вас бо теплыя предстатели ко Спасу стяжахом.
КАНОН
Песнь 1
Ирмос: Яко по суху :
Како дерзну, недостойный, прославити священную двоицу мучеников, кровь свою Христа ради пролиявших и пред лицем безбожных Имя Его исповедовавших? Но даждь ми, Господи, слово прославити сих, Тебе в житии своем прославивших.
Во страдании Христа исповедавше, вы явистеся воистину камение на истиннем Камени Христе утвержденнии.
В любви ко Господу возрастающе, вы исполнили есте заповедь любве вышшия, темже о нас Христа Бога молите, да утвердит в любви души наша.
Слава, и ныне:
Что принесет Тебе, Владычице Богородице, наше неможение? Кую песнь воспоем Тебе, рождшей Бога плотию? Токмо ту, коею Гавриил Архангел нас научи: радуйся, Благодатная, Господь с Тобою.
Песнь 3
Ирмос: Несть свят:
Заповедем Господним поучающеся и от соблазнов мира сего удаляющеся, явистеся избраннии сосуди Духа Святаго, святии Александре и Феодоре, и, от Него укрепляеми, шествовали есте во след распеншагося Христа и от Того венчалися есте венцами небесными.
Юдоль земную благочестно прошедше и кровию своею веру запечатлевше, ныне со всеми святыми прославляетеся в Царствии Небеснем, помяните и нас, священномученицы доблии, память вашу празднующих.
Образ верным показастеся в деле, слове, житии и смерти за Христа. Темже молитеся за нас, чад ваших, яко да достойни явимся вашего за нас предстательства.
Слава, и ныне:
Како возмогла еси вместити Невместимаго? Како родила еси, из Негоже вся быша? Что возглаголю Тебе, окаянный аз, или что воспою? Токмо: радуйся, Благодатная, Господь с Тобою.
По 3-ей песни седален:
Украшение пастырей явистеся, святии священномученицы Александре и Феодоре, Бескровную Жертву усердно Богу приносяще и в добродетелех возрастающе, сподобилися есте венцы мученическия от Христа прияти. Темже молите, да подаст Он пастырем Церкве ревность и попечение о спасении душ наших.
Слава, и ныне:
Витии словеснии умолкают, Дево, в Рождестве Твоем, зряще како раждаеши всю тварь Содержащаго дланию? Мы же в благоговении и трепете предстоим Тебе, взывающе: радуйся, Благодатная, Господь с Тобою.
Песнь 4
Ирмос: Христос моя сила:
От рук безбожных заклатися изволили есте, пастырие Божии, Агнцу и Пастырю Христу последовавше и Того заколение вообразивше.
Пастыреначальнику Христу подражающе, пастырие Божии суще, страстотерпцы, молистеся за убийц своих: Боже, прости им, не ведают бо, что творят.
Духа Святаго вместилище, явившеся, святыя мощи ваша нам оставили есте, достохвальнии, ихже мы обретше дивно, с преподобным аввою Сергием вас ныне ублажаем.
Слава, и ныне:
О, Владычице Богородице, буди нам Щит и Заступление во дни испытаний, находящих на ны: разве бо Тебе инаго предстательства не вемы.
Песнь 5
Ирмос: Божиим светом :
Яко свеща, возженная пред Богом, житие твое бысть, святый мучениче Александре, просвещающая тьму неверия и безбожия, землю Русскую объявшую. Ты бо был еси воистину отец духовный верным чадом твоим.
Воли Божией себе вручивше, святии священномученицы, не обязастеся куплями житейскими, оставивше же вся яже в мире сем и за Христом на смерть последовавше, получисте от Него обетованное Царство.
Новомученицы Российстии, простотою, милосердием, незлобием и любовию подражателие бысте древним мучеником Косме и Дамиану. Темже и празднество им совершивше, пострадати сподобистеся и с ними достойно ныне веселитеся в Царствии Небеснем.
Слава, и ныне:
Аще не была бы Ты, Владычице, Предстательница наша пред Господем, како могли быхом приступити к Нему, обремененнии многими грехми? Но в Тебе имуще дерзновение, вопием Христу о спасении нашем.
Песнь 6
Ирмос: Житейское море:
Мужески страдания претерпесте, человеческое естество превозмогающе, пастырие Христови, и яко хлеб сладкий Святей Троице принесостеся. Молите Христа Бога, да помилует всех нас.
Жертву Безкровную усердно Богу приносяще, священномученицы, вменистеся, яко овцы заколения, и пожрени бысте за Христа, Егоже всем сердцем возлюбили есте.
В смерти вашей явистеся семенем веры, святии Александре и Феодоре, кровию же вашею Церковь утверждающе, бысте достойнии делателие винограда Христова. Темже от Бога получисте венцы нетленныя.
Слава, и ныне:
В скорбех Помощницу, в болезнех Целительницу, от уз Свободительницу обретохом Тя, Владычице Богородице, темже молим Тя: не удали от нас милости Твоея.
Кондак, глас 2:
Пастырие Христовы, Александре и Феодоре, священномученик чудная двоице, мужественне веру православную пред мучители исповедовавшии и кровию своею землю Русскую обагрившии, страдания ваша днесь благочестно восхваляем и мощи ваша умильно лобызаем, молите непрестанно о всех нас.
Ин кондак:
священномученику Александру, глас 3:
Душу свою милосердием удобрил еси,/ предался еси в руце Божии,/ безбожных мучителей удивил еси,/ предвозвестив им смерть грядущую, яко бывшую;/ и душею твоею, яко нетленною звездою,/ сонм святых украсил еси;/ сего ради и мы восхваляем тя,/ святый священномучениче Александре/, пастырей добрых крепосте и утверждение.
Икос:
Руками вашими Безкровную Жертву Богу принесосте и от рук Его венцы мученическия и нетление приясте. Мы же, чудеса ваша зряще, верно вопием: Радуйтеся, исповедницы Христа Бога нашего; радуйтеся, яко за Него пострадати изволисте. Радуйтеся, Царства Небеснаго наследницы; радуйтеся, яко дар мощи своя нам остависте. Радуйтеся, земли Московския столпи непоколебимии; радуйтеся, граду нашему освящение и утверждение. Радуйтеся, прибегающим к вам скории помощницы; радуйтеся, яко исцеляете душевныя недуги. Радуйтеся, Александре и Феодоре, пастырей добрых крепосте и утверждение.
Песнь 7
Ирмос: Россодательну убо пещь :
Господь, древле росу с Небесе трием отроком пославый, и вам терпение и крепость во страданиих подаде, вы же, страстотерпцы, любвию к Нему распалающеся, пети научисте всех: благословен еси, Боже отец наших.
Яко отроцы посреде огня неопально стояху, тако и вы, святии мученицы Александре и Феодоре, посреде огненнаго испытания веры неопалими бысте и Христу вопияли есте: благословен еси, Боже отец наших.
Яко злато в горниле очищено явистеся, святии мученицы Александре и Феодоре, во страдании крепчайше адаманта бывше, Христу вопияли есте: благословен еси, Боже отец наших.
Слава, и ныне:
На Тя, Богородице, упование возлагаем, вернии людие, да не постыдимся никогдаже, но имуще Тя Покров и Стену Нерушимую, вопием Ти: радуйся, Благодатная, Господь с Тобою.
Песнь 8
Ирмос: Из пламене :
Облика пастырскаго не отреклся еси, священномучениче Александре, пред лицем безбожных исповедовав Истину, и даже до смерти верным пребыл еси Пастыреначальнику Христу, от Негоже венец победный приял еси во Царствии Небеснем.
Во страдании своем мучителей удивив, блаженне Феодоре, Христа не отверглся еси и, силою Его укрепляемь, всех научал еси вопити: благословен еси Боже отец наших.
Ревнителие убо отеческих преданий и блюстителие уставов церковных пребысте, святии священномученицы Александре и Феодоре, наставляюще верных твердо шествовати путем заповедей Христовых. Молите Христа Бога, да соблюдет Церковь Свою от наветов вражиих.
Слава, и ныне: троичен:
В Триех Лицех Бога исповедую, Отца, и Сына, и Духа Святаго, Троицу Единосущную и Нераздельную.
Песнь 9
Ирмос: Бога человеком :
Словеса Давидова приемлюще: “Се что добро или что красно, но еже жити братии вкупе”, вы, святии, яко братия единокровнии явистеся и, пребывше единомыслени во страданиих, в Царствии Христовом ныне веселитеся.
Смертию вашею веру в воскресение исповедасте, священномученицы предивнии, и бесстрашно страданьми ко Господу приидосте, верующе, яко кто погубит душу свою Христа ради, восприимет ю во Царствии Небеснем.
Терпением многим муки претерпевше, святии мученицы Александре и Феодоре, Христа смертию вашею прослависте. О нас Того прилежно молите, да спасет души наша.
Слава, и ныне:
Богородице Дево, моли Сына Твоего и Бога нашего со всеми святыми в земли Российстей просиявшими, да избавит Отечество наше от неверия и сохранит нерушиму Церковь Православную.
Светилен:
Мучения за Христа яко истинный дар Божий восприясте, мученицы славнии, и кровию вашею потописте бесовския полки, ныне же сцарствуете Ему во веки.
Слава, и ныне:
Под Твою милость прибегаем, Богородице Дево, молитв наших не презри в скорбех, но от бед избави нас Едина Чистая и Благословенная.
На хвалитех, глас 8:
Подобен: Что вас наречем:
Что вас наречем, святии мученицы, / Ангели, яко презресте своя телеса; / Херувими, яко на вас почи благодать Божия; // Силы, яко творите чудеса молитвами вашими?
Что вас наречем, святии мученицы, / солнце, яко изливаете Свет Христов по всей земли, / столпи, яко укреписте небосвод церковный // страданиями вашими за Христа?
Придите, мучениколюбцев собори, / восхвалим заступников наших святых Александра и Феодора,/ тии бо предстоят Престолу Всецаря // и молятся о душах наших.
Слава, глас 6:
подобен: Все отложше:
Восхваляюще заступников наших, / святых мучеников Александра и Феодора, / воспоим Христу победную песнь: / слава Тебе, мучеников крепосте, / слава Тебе, явившему дивных святых в последняя времена; // тех предстательством помилуй нас.
И ныне, Богородичен, глас 6:
Богородице, Ты еси лоза истинная,/ возрастившая нам Плод Живота,/ Тебе молимся, молися, Владычице,/ со святыми священномучениками Александром и Феодором,// помиловатися душам нашим.
На Литургии :
Прокимен, глас 7: Честна пред Господем смерть преподобных Его. Стих: Что воздам Господеви о всех, яже воздаде ми;
Апостол к Римляном, зач. 99(8,28-39):Братие, вемы, яко любящим Бога вся поспешествуют во благое;
Аллилуиа, глас 2: Священницы Твои облекутся в правду, и преподобнии Твои возрадуются. Стих: Бог нам прибежище и сила, Помощник в скорбех, обретших ны зело.
Священномученик Александр пресвитер (1937)
Священномученик Александр (Соколов) родился в 1893 году в селе Озерово в Новгородской губернии в семье священнослужителя. В 1915 году он закончил учёбу в Духовной семинарии. В 1916 году был рукоположен во диакона, а через год стал священником в родном селе.
Сразу же после революции начались гонения на Русскую Церковь. Одной из форм притеснения веры стало требование уплаты непомерных налогов с каждого храма и штрафы за любые, даже и выдуманные, провинности.
Из-за преследований отец Александр был вынужден несколько раз переезжать с места на место. Но все свои силы он всегда отдавал людям. Власть запрещала служить, однако иерей Божий бесстрашно шёл к своей пастве — и богослужения совершались несмотря ни на что. Жители села, где отец Александр жил в последнее время, любили своего священника и церковь. Несмотря на повсеместные гонения и страх, сельский храм постоянно ремонтировался.
27 июля 1937 года по приказу НКВД отца Александра арестовали и заключили в тюрьму. На допросах он никого не выдал и не оболгал, на все вопросы отвечал честно, и 29 августа того же года был расстрелян
Священник Александр Соколов причислен к лику святых новомучеников и исповедников Российских в 2000 году.
Священномученик Алекса́ндр Иерусалимский, епископ
Кондак 1
Избранный страстотерпче и исповедниче Христов, священномучениче Александре, Церкве Иерусалимския мудрый управителю и Слова Божия истинный проповедниче, восхваляем подвиги и страдания твоя, с любовию вопиюще ти:
Радуйся, священномучениче Александре, Церкве Иерусалимския похвало и всех православных утверждение.
Икос 1
Ангелов и вселенныя Творец, предъизбра тя, страстотерпче Александре, для служения пастве Церкве Иерусалимския и укрепления веры Христовы. Мы же, славяще подвиги и труды твоя, вопием ти умиленно таковая:
Радуйся, от чрева матере Богом избранный;
Радуйся, во Христовой вере утвержденный.
Радуйся, Духом Святым просвещенный;
Радуйся, мученическим венцем увенчанный.
Радуйся, Иерусалима града молитвенниче;
Радуйся, веры Христовы проповедниче.
Радуйся, священномучениче Александре, Церкве Иерусалимския похвало и всех православных утверждение.
Кондак 2
Видя веру твою несумненну и разум устремленный к горнему, Спас душ наших Христос дарова ти дар разумения и учительства слова Божия, да утвердиши в вере люди Церкви Христовы, да вси единомысленно с тобою вопиют Богу: Аллилуиа.
Икос 2
Разум Божественный имея, яко верный раб Господень, возгнушался еси языческия прелести, паче же возлюби Христову истину, добродетельми аки лествицею от силы в силу восходя, благодать Божию приобрел еси, священномучениче Александре, юже испроси и нам, почитающим тя звании сими:
Радуйся, благочестия непоколебимый столпе;
Радуйся, покаяния неленостный делателю.
Радуйся, житием твоим люди удививый;
Радуйся, словом твоим всех к покаянию наставивый.
Радуйся, яко тобою язычество искоренися;
Радуйся, яко тобою слово Божие утвердися.
Радуйся, священномучениче Александре, Церкве Иерусалимския похвало и всех православных утверждение.
Кондак 3
Силою Всевышняго и благодатию Божиею укрепляемь, во епископа града Флавии поставлен был еси, да научиши верныя чада Христовы, истинно воспевати Творцу: Аллилуиа.
Икос 3
Имеяй разум, силою Божиею просвещенный, священномучениче Александре, небоязненно проповедовал еси пастве своей славную истину Христову и за сие от гонителей темничное заключение претерпел еси. Мы же, восхваляя страдания твоя, умильно вопием ти сице:
Радуйся, хулы и напасти от гонителей претерпевый;
Радуйся, за проповедание слова Божия в темницу заключенный.
Радуйся, архипастырю Богом избранный;
Радуйся, светильниче, светяй во тьме сущим.
Радуйся, Святыя Троицы верный служителю;
Радуйся, молитвы непрестанныя усердный делателю.
Радуйся, священномучениче Александре, Церкве Иерусалимския похвало и всех православных утверждение.
Кондак 4
Бури гонений и злоречий не убоялся еси, страстотерпче святый Александре, но паче на Христа надежду всю возлагал еси и к Нему непрестанно в молитве взывал еси: Аллилуиа.
Икос 4
Услыша Господь молитвы твоя и дарова ти по двухлетнем заточении свобождение от уз темничных, Александре страдальче, да многия светом Христовых словес просветиши. Сего ради мы, грешнии, уповая на молитвенное дерзновение твое к Богу, поем ти тако:
Радуйся, молитвенниче скорый и теплый;
Радуйся, предстателю наш благий и верный.
Радуйся, светильниче, пред Богом горящий;
Радуйся, за правду и истину крепко стоящий.
Радуйся, Православныя веры насадителю;
Радуйся, благодати Христовы носителю.
Радуйся, священномучениче Александре, Церкве Иерусалимския похвало и всех православных утверждение.
Кондак 5
Боготечная звезда явился еси, священномучениче Александре, яко Божественною благодатию, от Бога ти данною, люди, призывающия тя, на спасительныя подвиги укрепляеши, память смертную подаеши и вразумляеши всех пети песнь: Аллилуиа.
Икос 5
Врагу, присно на угодники Божия ополчающуся, жестоким житием противустал еси, страстотерпче святый Александре, плоть бо свою духови покорил еси молитвою и воздержанием. Темже, подвигам твоим чудящеся, зовем ти сице:
Радуйся, венца Христова носителю;
Радуйся, духов злобы победителю.
Радуйся, правило веры;
Радуйся, образе кротости.
Радуйся, обиженных утешение;
Радуйся, путешествующих охранение.
Радуйся, священномучениче Александре, Церкве Иерусалимския похвало и всех православных утверждение.
Кондак 6
Проповедует Церковь Христова по всей вселенней подвиги и труды твоя, имиже ты, священномучениче Александре, трудился еси во благовестии Христове, да вси чада Церкве Православныя во вся дни и до скончания века непрестанно вопиют Богу: Аллилуиа.
Икос 6
Возсиял еси, богомудре Александре, яко светлая звезда на небе церковнем, верным путь ко Христу озаряющи и в истинней вере утверждающи, всем же вся полезная всегда дарующи. Сего ради и мы к тебе присно прибегаем и благодарственно вопием сице:
Радуйся, веры Христовы учителю;
Радуйся, храмов Божиих строителю.
Радуйся, слова Божия сеятелю;
Радуйся, гордых и любоначальных смирителю.
Радуйся, яко твоими молитвами спасаемся;
Радуйся, яко твоими поученьми наставляемся.
Радуйся, священномучениче Александре, Церкве Иерусалимския похвало и всех православных утверждение.
Кондак 7
Хотя поклонитися святыням Иерусалимским, смиренномудре Александре, во Граде Святем сретаем народом и пустынниками, извещенными свыше от Господа о твоем пришествии, был еси и по небесному откровению патриархом Святаго Града избран, идеже до кончины своея воспевал еси Спасителю Богу хвалу: Аллилуиа.
Икос 7
Новая купель Силоамская явился еси, святый архипастырю, в нейже от всяких болезней душевных и телесных исцеляеши и, яко муж мудрый, благочестие возвещаеши всем. Мы же, труды твоя поминающе, непрестанно воспеваем ти сицевая:
Радуйся, Иерусалимския паствы святителю;
Радуйся, благочестия насадителю.
Радуйся, Божиим определением патриархом Святаго Града поставленный;
Радуйся, мученическим венцем в нем прославленный.
Радуйся, в житии твоем истины поборниче;
Радуйся, по кончине твоей за всех молитвенниче.
Радуйся, священномучениче Александре, Церкве Иерусалимския похвало и всех православных утверждение.
Кондак 8
Странное чудо видим на тебе, священномучениче Александре, пастырю Иерусалимский, егда воздвиже гонение на тя Декий. Спасе бо тя Господь от льва, егда той испущен быв нечестивыми да растерзает тя. Но зверь лютый в кроткаго агнца превратися и у ног твоих возлеже, сим мучителей твоих обличая, не ведущих пети: Аллилуиа.
Икос 8
Всем сердцем возлюбил еси Бога, святителю Александре, и мужественно Христа исповедав, множество мучений претерпел еси и в темницу заключен быв, дух свой Господу предал еси. Мы же, восхваляюще страдания твоя, за Христа претерпенная, вопием ти умиленно таковая:
Радуйся, мучениче, Богом прославленный;
Радуйся, исповедниче святый, верными воспеваемый.
Радуйся, поборниче крепкий;
Радуйся, страдальче непобедимый.
Радуйся, за Христа пострадавый;
Радуйся, от Него венцем нетленным увенчанный.
Радуйся, священномучениче Александре, Церкве Иерусалимския похвало и всех православных утверждение.
Кондак 9
Всякия болезни и печали наша утоли, великий исповедниче Христов Александре, и подаждь нам последовати твоему житию, славу земную ни во чтоже вменяя и честь временную презирая, но паче в смиренномудрии и любви возрастати, и молитв твоих ради, Царства Небеснаго достигнути, идеже ты ныне пребываеши и непрестанно вопиеши со Ангелы: Аллилуиа.
Икос 9
Ветии многовещании недоумеют достойно восхвалити тя, страстотерпче Христов Александре, ибо многая и преславная чудодействия источаеши благодатию Божиею. Мы же, любовию твоею побеждаеми, вопием ти сице:
Радуйся, благих прошений исполнителю;
Радуйся, злых намерений искоренителю.
Радуйся, скорый помощниче призывающих тя;
Радуйся, милостивый заступниче почитающих тя.
Радуйся, благодатию Божиею бесы низлагаяй;
Радуйся, вражия козни силою Христовою расторгаяй.
Радуйся, священномучениче Александре, Церкве Иерусалимския похвало и всех православных утверждение.
Кондак 10
Спастися хотяще, мы, грешнии, к тебе прибегаем, Александре священномучениче, и покланяющеся святым мощем твоим и честному образу твоему, усердно молим тя: помози нам, немощным и ленивым, утоли скорбь нашу и на путь правый настави нас, заблуждающихся, да спасеннии твоими молитвами, хвалебными гласы зовем: Аллилуиа.
Икос 10
Стена еси всем христианом, к заступлению твоему прибегающим, священномучениче Александре, и милосердия неистощимый источник; сего ради славяще Бога, Дивнаго во святых Своих, вопием ти сице:
Радуйся, Церкве Иерусалимския заступниче и покровителю;
Радуйся, святаго Гроба Господня усердный служителю.
Радуйся, святых мест почитателю;
Радуйся, писаний святых отцев собирателю.
Радуйся, веры и любве учителю;
Радуйся, страха Божия насадителю.
Радуйся, священномучениче Александре, Церкве Иерусалимския похвало и всех православных утверждение.
Кондак 11
Пение молебное принеси Святей Троице, святителю отче Александре, о почитающих святую память твою, и усердно моли о еже избавитися нам от греховных падений, диавольских козней и вечнаго мучения, да непрестанно во умилении зовем Богу: Аллилуиа.
Икос 11
Светлостию чудес твоих, угодниче Божий Александре, всю вселенную просвещаеши, и верных во истине укрепляеши, и на враги победы даруеши. Сего ради со благоговением зовем ти:
Радуйся, Святаго Града преславное украшение;
Радуйся, Рая Небеснаго прекрасный цвете.
Радуйся, к сонму святых Христом сопричисленный;
Радуйся, во граде Небеснем Им возвеличенный.
Радуйся, яко благодатию Божиею верных просвещаеши;
Радуйся, яко поучении твоими заблудших наставляеши.
Радуйся, священномучениче Александре, Церкве Иерусалимския похвало и всех православных утверждение.
Кондак 12
Благодать и милость испроси нам у Господа, страстотерпче святый Александре, и молитвами твоими настави нас на путь спасения, да тако с тобою и со всеми святыми во веки вопием Спасающему нас Богу: Аллилуиа.
Икос 12
Поюще твоя страдания, священномучениче Александре, величаем память твою, с верою покланяемся многоцелебным мощем твоим и со страхом и любовию зовем ти:
Радуйся, предстателю наш скорый и теплый;
Радуйся, ходатаю о нас пред Богом неусыпный.
Радуйся, болящих целителю;
Радуйся, скорбящих утешителю.
Радуйся, к покаянию нас призываяй;
Радуйся, на мытарствах нам помогаяй.
Радуйся, священномучениче Александре, Церкве Иерусалимския похвало и всех православных утверждение.
Кондак 13
О, преславный чудотворче и великий Христов угодниче, священномучениче Александре! Услыши милостивно сие малое моление наше и молитвами твоими испроси нам у Милосерднаго Бога в вере Православней укрепление, в любви христианстей преспеяние и грехов наших прощение, да предстательством твоим унаследуем Царствие Небесное и сподобимся со всеми святыми пети Богу: Аллилуиа.
Этот кондак читается трижды, затем икос 1-й и кондак 1-й
Молитва священномученику Александру, епископу Иерусалимскому
О, священная главо, пастырю добрый словесных овец Христовых, священномучениче Александре, Иерусалимская похвало, всемирный светильниче и скорый наш заступниче и помощниче в скорбех, бедах и всяких нуждах. Услыши нас грешных, к тебе прибегающих и молящихся. Испроси предстательством твоим у Всемилостиваго Бога нашего мир Церкви Его, под знамением Креста воинствующей, тишину помыслов наших, воздержание от пагубных страстей и покаяние. Ей, чадолюбивый и милостивый отче наш, священномучениче Александре, архиерею Божий! Тебе, предстоящему Престолу Господню, ведомы вся нужды наша духовныя и житейския. Призри на нас отеческим оком и твоими молитвами утверди нас в вере, надежде и любве, суемудрия и расколы истреби, болящия исцели, печальныя утеши, обиженныя заступи, бедствующим помози, путешествующим спутешествуй. Не посрами нас, угодниче Божий, к тебе с верою притекающих, но яви древния милости твоя, имиже отцем нашим вспомоществовал еси, не отрини и нас, предстоящих всечестней иконе твоей, яко тебе живу сущу. Умоли убо Милостиваго Бога сохранитися нам до кончины дней наших в страсе Божием, и да отпустит нам Господь вся прегрешения наша вольная и невольная, и да избавит нас твоим предстательством от вечных мук, и сподобит радости вечныя насладитися купно с тобою и со всеми святыми, во веки веков. Аминь.
25 декабря. Священномученик Александр, епископ Иерусалимский
Аудио
Церковный календарь. 25 декабря (12 декабря ст. стиль).
Продолжается Рождественский пост.
Сегодня, в воскресный день, совершается память: святых III века: сщмч. Александра, епископа Иерусалимского, и мч. Разумника (Синезия). Свт. Спиридона, епископа Тримифунтского, чудотворца IV века. Прп. Ферапонта Монзенского, подвижника XVI века.
Именинников мы поздравляем с днем ангела!
Братья и сестры, сегодня мы с вами молитвенно обращаемся ко святому Иерусалимской Церкви.
Священномученик Александр, доблестно подвизавшийся и пострадавший за веру Христову, принадлежал к многочисленным ученикам, которых знаменитейший учитель Церкви III века Климент Александрийский собирал около себя в Александрии. Александр находился и в тесной дружбе с Оригеном. Климент Александрийский был одним из известнейших христианских ученых первых веков, в 217 году он был учителем знаменитого Александрийского огласительного училища, принявшего вид богословского образовательного заведения и привлекавшего в свои стены массы слушателей.
Император Септимий Север в 202 году воздвиг гонение на христиан. Огласительное училище было закрыто, а Климент был вынужден оставить Александрию, где его место вскоре занял молодой Ориген. Он перебрался в Палестину, где нашел защиту и покровительство у поминаемого сегодня ученика, святителя Александра Иерусалимского. Там он и умер. В силу своей близости к Оригену Климент не был канонизирован в православной традиции.
А Ориген, с которым также тесно общался священномученик Александр, был замечательным христианским ученым, библеистом и философом. Но, к сожалению, уклонился в ряд заблуждений, самое известное среди которых – учение о спасении всех людей – апокатастасис. Хотя выработанная Оригеном система понятий широко использовалась при построении церковной догматики (у него, например, впервые встречается термин «Богочеловек»), эсхатологический оптимизм Оригена отразился в учении о циклическом времени (или апокатастасисе), которое предполагает, что посмертное воздаяние и ад относительны, так как Бог по своей благости в конечном счете спасет от адских мук не только праведников, но и всех людей, всех демонов и даже самого сатану.
Ориген и его заблуждения были осуждены на V Вселенском Соборе в 553 году. Ведь Господь в Евангелии ясно говорит о будущем Страшном Cуде и о том, что там будут те, кто пойдут в одну сторону: Тогда скажет Царь тем, которые по правую сторону Его: приидите, благословенные Отца Моего, наследуйте Царство, уготованное вам от создания мира (Мф. 25, 34), и те, которые будут по другую сторону: Тогда скажет и тем, которые по левую сторону: идите от Меня, проклятые, в огонь вечный, уготованный диаволу и ангелам его (Мф. 25, 41). И пойдут сии в муку вечную, а праведники в жизнь вечную (Мф. 25, 46).
А святой апостол Павел писал о Господе, что мы ждем Его, как в пламенеющем огне совершающего отмщение не познавшим Бога и не покоряющимся благовествованию Господа нашего Иисуса Христа, которые подвергнутся наказанию, вечной погибели, от лица Господа и от славы могущества Его, когда Он приидет прославиться во святых Своих и явиться дивным в день оный во всех веровавших, так как вы поверили нашему свидетельству (2 Фес. 1, 8-10).
Святой Александр впоследствии, когда уже управлял Иерусалимской Церковью, из уважения и дружбы к Оригену позволил ему даже говорить поучение в своем присутствии. За это позволение мирянину поучать в церкви при епископе архипастырь подвергся осуждению Димитрия, епископа Александрийского, врага Оригена. В ответ святой Александр указал ему на пример других церквей. После он даже рукоположил Оригена во пресвитера, чрез что опять возгорелся спор между ним и Димитрием. И хотя кончина Оригена была мученической, несмотря на великие заслуги перед церковной наукой того времен, к лику святых он, конечно же, не причислен из-за ряда своих глубоких заблуждений. А вот Иерусалимский святитель Александр оказался свободным от заблуждений своего учителя Климента Александрийского и друга Оригена и потому, приняв мученическую кончину, стал заступником нашим и ходатаем перед Престолом бессмертного Царя.
В начале III века святой Александр был поставлен епископом во Флавии, Каппадокии, что составляло обширную область в восточной части Малой Азии. В гонение Септимия Севера, около 209 года, за ревность к вере Христовой он претерпевал заключение в темнице, в которой томился несколько лет. По освобождении из заключения в 212 году святой возымел желание поклониться святым местам в Иерусалиме, где был встречен народом и пустынниками, извещенными свыше о его прибытии, и по ясному небесному откровению избран соправителем престарелого Патриарха Иерусалимского Наркисса. В течение целого поколения, 38 лет, святой Александр мудро управлял Иерусалимской Церковью. В первую очередь он был известен своей любовью к просвещению.
Он устроил за свой счет значительную библиотеку из книг Священного Писания и существовавших в то время творений христианских писателей. Этой библиотекой, между прочим, пользовался в свое время (в IV веке) знаменитый церковный историк Евсевий Кесарийский, автор труда «Церковная история», который и сохранил в своей истории сведения о жизни святого Александра Иерусалимского. Но и Евсевий, несмотря на свои труды, не сподобился называться святым, потому что уклонился в арианство и не был достаточно последователен в своих размышлениях.
Но вернемся к епископу Александру. В гонение Декия святой Александр Иерусалимский был призван в Кесарию Палестинскую на суд и там вторично исповедал Христа. Брошенный в темницу он пробыл там довольно продолжительное время и там же предал свой дух Господу в 251 году.
Братья и сестры, сколько замечательных людей мы сегодня встретили в житии святого Александра, все они очень много потрудились во благо Церкви, но лишь святой Александр оказался тверд и предан Православию «на сто процентов». В связи с этим вспоминаются слова святого апостола Иакова: Братия мои! не многие делайтесь учителями, зная, что мы подвергнемся большему осуждению, ибо все мы много согрешаем. Кто не согрешает в слове, тот человек совершенный, могущий обуздать и все тело (Иак. 3, 1-2). Велика ответственность церковного учителя. Если бы Климент, Ориген или Евсевий воздержались от неправославных речей, то, возможно, были бы прославлены у Господа в лике святых. А высказав ересь, они подверглись осуждению, и теперь мы молимся о них, а не они о нас.
Святый священномучениче Александре, моли Бога о нас!
Диакон Михаил Кудрявцев