Господу Богу и Спасу нашему Иисусу Христу,
глас 2
Пречи́стому Твоему́ о́бразу покланя́емся, Благи́й,/ прося́ще проще́ния прегреше́ний на́ших, Христе́ Бо́же:/ во́лею бо благоволи́л еси́ пло́тию взы́ти на Крест,/ да изба́виши я́же созда́л еси́ от рабо́ты вра́жия./ Тем благода́рственно вопие́м Ти:/ ра́дости испо́лнил еси́ вся, Спа́се наш,// прише́дый спасти́ мир.
Ин тропарь,
глас 8
С Вы́шних призира́я, убо́гия прие́мля,/ посети́ ны, озло́бленныя грехи́, Влады́ко Всеми́лостиве,// моли́твами Богоро́дицы да́руй душа́м на́шим ве́лию ми́лость.
Пресвятой Богородице,
глас 4
К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны́ милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи́, Тя́ бо и еди́ну наде́жду и́мамы.
Величание:
Досто́йно есть велича́ти Тя, Богоро́дице,/ Честне́йшую Херуви́м/ и Сла́внейшую// без сравне́ния Серафи́м.
Величание (Иконе Божией Матери):
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
Святым Ангелам и прочим безплотным Силам,
глас 4
Небе́сных во́инств Архистрати́зи,/ мо́лим вас при́сно мы недосто́йнии,/ да ва́шими моли́твами оградите́ нас/ кро́вом крил невеще́ственныя ва́шея сла́вы,/ сохраня́юще ны пpипа́дающия приле́жно и вопию́щия:/ от бед изба́вите ны,// я́ко чинонача́льницы вы́шних Сил.
Величание:
Велича́ем вас,/ Арха́нгели и А́нгели/ и вся во́инства,/ Херуви́ми и Серафи́ми,// сла́вящия Го́спода.
Пророку единому,
глас 2
Проро́ка Твоего́ па́мять, Го́споди, пра́зднующе,/ тем Тя мо́лим:// спаси́ ду́ши на́ша.
Величание:
Велича́ем тя,/ проро́че Бо́жий ,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Апостолу единому,
глас 3
Апо́столе святы́й ,/ моли́ Ми́лостиваго Бо́га,/ да прегреше́ний оставле́ние// пода́ст душа́м на́шим.
Величание:
Велича́ем тя,/ апо́столе Христо́в ,/ и чтим боле́зни и труды́ твоя́, и́миже труди́лся еси́// во благове́сти Христо́ве.
Апостолам,
глас 3
Апо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.
Величание:
Велича́ем вас,/ святи́и апо́столи ,/ весь мир уче́ньми свои́ми просвети́вшия,/ и вся концы́// ко Христу́ приве́дшия.
Святителю единому,
глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́,/ я́же веще́й и́стина:/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче ,/ моли́ Христа́ Бо́га// спасти́ся душа́м на́шим.
Величание:
Велича́ем тя,/ святи́телю о́тче ,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Святителям,
глас 4
Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их// в ми́ре упра́ви живо́т наш.
Величание:
Велича́ем вас,/ святи́телие вели́цыи,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.
Преподобному единому,
глас 8
В тебе́, о́тче, изве́стно спасе́ся, е́же по о́бразу:/ прии́м бо крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне , дух твой.
Преподобному Печерскому,
глас 8
Посто́м ду́шу твою́ просвети́л еси́,/ моли́твами непреста́нными се́рдце твое́ сосу́д Ду́ха Свята́го соде́лал еси́,/ преподо́бне о́тче наш ,/ те́мже вся вра́жия ополче́ния кре́пко посрами́л еси́/ и, я́ко победоно́сец и́стинный, воздая́ния получи́л еси́ от Христа́ Бо́га.// Тому́ помоли́ся о душа́х на́ших.
Затворнику Печерскому,
глас 2
Ве́лия ве́ры исправле́ния,/ в пеще́рнем затво́ре, я́ко на воде́ упокое́ния,/ преподо́бне о́тче , ра́довался еси́,/ огне́м бо любве́ Боже́ственныя распаля́емь,/ бде́нием и моли́твою безстра́стия дости́гл еси́/ и яви́лся еси́ равноа́нгельный на земли́.// Того́ моли́твами, Христе́ Бо́же, спаси́ ду́ши на́ша.
Величание (преподобному):
Ублажа́ем тя,/ преподо́бне о́тче ,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Преподобным,
глас 4
Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их// в ми́ре упра́ви живо́т наш.
Преподобным Печерским, глас 3:
Преблаже́ннии и Богоно́снии отцы́ на́ши ,/ я́ко стяжа́вшии дерзнове́ние ко Го́споду/ равноа́нгельным свои́м житие́м,/ его́же ра́ди обогати́ Христо́с нетле́нием и чудесы́ мо́щи ва́ша,/ мо́лим вас приле́жно:/ испроси́те душа́м на́шим очище́ние// и ве́лию и бога́тую ми́лость.
Величание (преподобным):
Ублажа́ем вас,/ преподо́бные отцы́,/ и чтим святу́ю па́мять ва́шу,/ наста́вницы мона́хов// и собесе́дницы А́нгелов.
Мученику единому,
глас 4
Му́ченик Твой, Го́споди, ,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Величание:
Велича́ем тя,/ страстоте́рпче святы́й ,/ и чтим честна́я страда́ния твоя́,/ я́же за Христа́// претерпе́л еси́.
Мученикам,
глас 4
Му́ченицы Твои́, Го́споди,/ во стра́даниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.
Величание:
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
Священномученику единому,
глас 4
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ и ве́pы pа́ди постpада́л еси́ да́же до кpо́ве,/ священному́чениче ,/ моли́ Хpиста́ Бо́га// спасти́ся душа́м на́шим.
Величание:
Велича́ем тя,/ священному́чениче ,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Священномученикам, глас 4;
Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви ми́лость Твою́ от нас, но моли́твами их// в ми́ре упра́ви живо́т наш.
Величание:
Велича́ем вас,/ священному́ченицы Христо́вы, и чтим святу́ю па́мять ва́шу,/ вы бо мо́лите за нас// Христа́ Бо́га на́шего.
Преподобномученику единому,
глас 8
В тебе́, о́тче, изве́стно спасе́ся, е́же по о́бразу:/ прии́м бо крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне , дух твой.
Величание:
Ублажа́ем тя,/ преподобному́чениче ,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Преподобномученикам,
глас 4
Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви ми́лость Твою́ от нас,/ но моли́твами их// в ми́ре упра́ви живо́т наш.
Величание:
Ублажа́ем вас,/ преподо́бнии му́ченицы,/ и чтим святу́ю па́мять ва́шу,/ наста́вницы мона́хов,// и собесе́дницы А́нгелов.
Мученице единой,
глас 4
А́гница Твоя́, Иису́се, ,/ зове́т ве́лиим гла́сом:/ Тебе́, Женише́ мой, люблю́,/ и Тебе́ и́щущи страда́льчествую,/ и сраспина́юся и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную приими́ мя с любо́вию поже́ршуюся Тебе́./ Тоя́ моли́твами,// я́ко ми́лостив, спаси́ ду́ши на́ша.
Величание:
Велича́ем тя,/ страстоте́рпица Христо́ва ,/ и чтим честно́е страда́ние твое́,/ я́же за Христа́// претерпе́ла еси́.
Мученицам,
глас 1
А́гницы слове́сныя/ А́гнцу и Па́стырю приведо́стеся муче́нием ко Христу́,/ тече́ние сконча́вше, и ве́ру соблю́дше./ Те́мже днесь ра́достною душе́ю соверша́ем, досточу́дныя,/ святу́ю ва́шу па́мять,// Христа́ велича́юще.
Величание:
Велича́ем вас,/ страстоте́рпицы святы́я,/ и чтим честна́я страда́ния ва́ша,/ я́же за Христа́// претерпе́ли есте́.
Преподобной жене,
глас 8
В тебе́, ма́ти, изве́стно спасе́ся е́же по о́бразу:/ прии́мши бо крест, после́довала еси́ Христу́,/ и де́ющи учи́ла еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бная , дух твой.
Величание:
Ублажа́ем тя,/ преподо́бная ма́ти ,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобным женам,
глас 2
И́стинному жела́нию уневе́стившеся Христосла́внии,/ и вре́меннаго обру́чника отве́ргшеся совокупле́ния,/ и доброде́тельными по́двиги возра́стше,/ на высоту́ востеко́сте нетле́ния,/ красноду́шнии и многобога́тнии,/ столпи́ иноку́ющим жена́м и пра́вило./ Те́мже о нас моли́те непреста́нно,// и́же любо́вию ва́шу па́мять пра́зднующих.
Величание:
Ублажа́ем вас,/ преподо́бнии ма́тери,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.
Преподобномученице единой,
глас 4
А́гница Твоя́, Иису́се, ,/ зове́т ве́лиим гла́сом:/ Тебе́, Женише́ мой, люблю́,/ и Тебе́ и́щущи страда́льчествую,/ и сраспина́юся и спогреба́юся креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную приими́ мя с любо́вию поже́ршуюся Тебе́./ Тоя́ моли́твами,// я́ко ми́лостив, спаси́ ду́ши на́ша.
Величание:
Велича́ем тя,/ страстоте́рпице свята́я ,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.
Священноисповеднику и преподобноисповеднику,
глас 8
Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ архиере́ев богодухнове́нное удобре́ние,/ прему́дре,/ уче́ньми твои́ми вся просвети́л еси́, цевни́це,// моли́ Христа́ Бо́га спасти́ся душа́м на́шим.
Величание Священноисповеднику:
Велича́ем тя,/ святи́телю о́тче ,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Величание преподобноисповеднику:
Ублажа́ем тя,/ преподо́бне о́тче ,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Безсребреникам,
глас 8
Святи́и безсре́бреницы и чудотво́рцы,/ посети́те не́мощи на́ша:// ту́не прия́сте, ту́не дади́те нам.
Величание:
Велича́ем вас,/ чудотво́рцы сла́внии ,/ и чтим честна́я страда́ния ва́ша,/ я́же за Христа́// претерпе́ли есте́.
Христа ради юродивому,
глас 1
Глас апо́стола Твоего́ Па́вла услы́шав глаго́лющ:/ мы юро́ди Христа́ ра́ди,/ раб Твой, Христе́ Бо́же, / юро́д бысть на земли́ Тебе́ ра́ди:/ те́мже па́мять его́ почита́юще,\ Тебе́ мо́лим Го́споди, спаси́ ду́ши на́ша.
Величание:
Ублажа́ем тя,/ святы́й пра́ведный ,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
В прадники Богородичные
Тропарь, глас 4
К Богородице прилежно ныне притецем,/ грешнии и смиреннии, и припадем,/ в покаянии зовуще из глубины души:/ Владычице, помози, на ны милосердовавши,/ потщися, погибаем от множества прегрешений,/ не отврати Твоя рабы тщи,// Тя бо едину надежду имамы.
Кондак, глас 6
Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас,/ верно зовущих Ти,/ ускори на молитву, и потщися на умоление,// предстательствующи присно, Богородице, чтущих Тя.
Величания
Достойно есть/ величати Тя, Богородице,/ Честнейшую Херувим/ и Славнейшую// без сравнения Серафим.
Величаем Тя,/ Пресвятая Дево,/ Богоизбранная Отроковице, и чтим образ Твой святый,/ имже точиши исцеления// всем с верою притекающим.
Святым Бесплотным силам
Тропарь, глас 4
Небесных воинств Архистратизи,/ молим вас присно мы недостойнии,/ да вашими молитвами оградите нас/ кровом крил невещественныя вашея славы,/ сохраняюще нас, припадающих прилежно и вопиющих:/ от бед избавите нас,// яко чиноначальницы Вышних сил.
Кондак, глас 2
Архистратизи Божии,/ служителие Божественныя славы,/ Ангелов начальницы и человеков наставницы,/ полезное нам просите и велию милость,// яко безплотных Архистратизи.
Величание
Величаем вас,/ Архангели и Ангели/ и вся воинства,/ Херувими и Серафими,// славящия Господа.
Святым отцам
Тропарь, глас 8
Препрославлен еси, Христе Боже наш,/ светила на земли отцы наша основавый/ и теми ко истинней вере вся ны наставивый,// Многоблагоутробне, слава Тебе.
Кондак, глас 8
Апостол проповедание и отец догматы/ Церкве едину веру запечатлеша,/ яже и ризу носящи истины, истканну от еже свыше богословия,// исправляет и славит благочестия великое таинство.
Величание
Ублажаем вас,/ отцы наши,/ и чтим святую память вашу,/ вы бо молите о нас// Христа Бога нашего.
Пророку
Тропарь, глас 2
Пророка Твоего (имярек) память, Господи, празднующе,/ тем Тя молим,// спаси души наша.
Кондак, глас 4
Просветившееся Духом чистое твое сердце/ пророчества бысть светлейшаго приятелище,/ зриши бо яко настоящая далече сущая,/ сего ради тя почитаем,// пророче блаженне (имярек), славне.
Величание
Величаем тя,/ святый пророче Божий (имярек),/ и чтим святую память твою,/ ты бо молиши о нас// Христа Бога нашего.
Апостолу
Тропарь, глас 3
Апостоле святый (имярек),/ моли Милостиваго Бога,/ да прегрешений оставление// подаст душам нашим.
Кондак, глас 4
Яко звезду пресветлую/ Церковь всегда стяжа тя,/ апостоле (имярек),/ чудес Твоих многоподаванием просвещаема./ Темже зовем Христу:/ спаси чтущих верою// память Твоего апостола, Многомилостиве.
Величание
Величаем тя,/ апостоле Христов (имярек),/ и чтим болезни и труды твоя,/ имиже трудился еси// во благовестии Христове.
Апостолам
Тропарь, глас 3
Апостоли святии,/ молите милостиваго Бога,/ да прегрешений оставление// подаст душам нашим.
Кондак, глас 4
Лозие явистеся Христова винограда мудрии,/ гроздие приносяще в добродетелех,/ вино нам спасения источающе,/ егоже приемлем, веселия исполняющеся./ Празднуем честную вашу память,/ в нюже молите дароватися нам велицей милости и отпущению грехов,// Господни апостоли.
Величание
Величаем вас,/ апостоли святии,/ весь мир ученьми своими просветившия,/ и вся концы// ко Христу приведшия.
Святителю
Тропарь, глас 4
Правило веры и образ кротости,/ воздержания учителя/ яви тя стаду твоему/ Яже вещей Истина,/ сего ради стяжал еси смирением высокая,/ нищетою богатая,/ отче (имярек,/ моли Христа Бога// спастися душам нашим.
Кондак, глас 2
Божественный гром, труба духовная,/ веры насадителю и отсекателю ересей,/ Троицы угодниче,/ великий святителю (имярек),/ со Ангелы предстоя присно,// моли непрестанно о всех нас.
Величание
Величаем тя,/ святителю отче (имярек),/ и чтим святую память твою,/ ты бо молиши о нас// Христа Бога нашего.
Святителям
Тропарь, глас 4
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.
Кондак, глас 8
Яко добродетелей учителие и иерархов украшение,/ Церковь поющи вас славит,/ молитвами вашими подайте чтущим вас любовию/ добродетелей исправление и соблазнов избавление,// яко непобедимии.
Величание
Величаем вас,/ святителие велицыи,/ и чтим святую память вашу,/ ты бо молиши за нас// Христа Бога нашего.
Мученику
Тропарь, глас 4
Мученик Твой, Господи, (имярек)/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.
Кондак, глас 2
Звезда светлая явился еси,/ непрелестная мирови,/ Солнца Христа возвещи,/ зарями Твоими, страстотерпче (имярек),/ и прелесть погасил еси всю,/ нам же подаеши свет,// моляся непрестанно о всех нас.
Величание
Величаем тя,/ страстотерпче святый (имярек),/ и чтим честная страдания твоя,/ яже за Христа// претерпел еси.
Мученику ХХ века
Тропарь, глас 4
Мученик Твой, Господи, (имярек)/ во страдании своем венец прият нетленный от Тебе, Бога нашего,/ имеяй бо крепость Твою,/ мучителей низложи,/ сокруши и демонов немощныя дерзости./ Того молитвами// спаси души наша.
Кондак, глас 2
Верный сын Земли Русския явился еси,/ новомучениче (имярек),/ Христа, Солнце Правды, возвещая/ и безбожия тьму отгоняя./ Ныне же сродники твоя в Православней вере утверждая,// молися о душах наших.
Величание
Величаем тя,/ страстотерпче святый (имярек),/ и чтим честная страдания твоя,/ яже за Христа// претерпел еси.
Мученице
Тропарь, глас 4
Агница Твоя, Иисусе, (имярек), зовет велиим гласом:/ Тебе, Женише мой, люблю,/ и Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе.// Тоя молитвами, яко Милостив, спаси души наша.
Кондак, глас 2
Храм твой всечестный, яко цельбу душевную обретше,/ вси вернии велегласно вопием ти:/ дево мученице (имярек) великоименитая,// Христа Бога моли непрестанно о всех нас.
Величание
Величаем тя,/ страстотерпице Христова (имярек),/ и чтим честное страдание твое,/ еже за Христа// претерпела еси.
Мученице ХХ века
Тропарь, глас 4
Благочестно в законе Господни поживши,/ веру Православную сохранила еси,/ и терпением гонители Церкве Русския посрамивши,/ смерть за Христа прияла еси,/ мученице славная (имярек),/ престолу Божию предстоящи,// моли спастися душам нашым.
Кондак, глас 5
Яко агница кроткая,/ воспитанная на пажитех Церкве Русския,/ страстотерпице Христова (имярек),/ посреде лютых мучителей/ тепле молилася еси:/ Господи, прости им,// не ведят бо, что творят.
Величание
Величаем тя,/ святая мученице (имярек),/ и чтим честная страдания твоя,/ яже за Христа// претерпела еси.
Мученикам
Тропарь, глас 4
Мученицы Твои, Господи,/ во страданиих своих венцы прияша нетленныя от Тебе, Бога нашего,/ имуще бо крепость Твою,/ мучителей низложиша,/ сокрушиша и демонов немощныя дерзости./ Тех молитвами// спаси души наша.
Кондак, глас 2
Светильницы светлии явльшеся, божественнии мученицы,/ тварь всю светлостию чудес озаряете,/ недуги разрешающе и глубокую тьму всегда отгоняюще,// Христу Богу молящеся непрестанно о всех нас.
Величание
Величаем вас,/ страстотерпцы святии,/ и чтим честная страдания ваша,/ яже за Христа// претерпели есте.
Мученицам
Тропарь, глас 1
Агницы словесныя, Агнцу и Пастырю,/ приведостеся мучением ко Христу,/ течение скончавше/ и веру соблюдше,/ темже днесь радостною душею совершаем, досточуднии, святую вашу память,// Христа величающе.
Кондак, глас 4
Страстотерпиц Христовых память празднуим, / и верою просяще помощи/ избавитися всем от всякия скорби, зовуще:/ Бог наш с нами,// Иже сих прославивый, якоже изволи.
Величание
Величаем вас,/ страстотерпицы святии,/ и чтим честная страдания ваша,/ яже за Христа// претерпели есте.
Священномученику
Тропарь, глас 4
И нравом причастник,/ и престолом наместник апостолом быв,/ деяние обрел еси, Богодухновенне,/ в видения восход:/ сего ради слово истины исправляя,/ и веры ради пострадал еси даже до крове,/ cвященномучениче (имярек),/ моли Христа Бога// спастися душам нашим.
Кондак, глас 4
Во святителех благочестно пожив/ и мучения путь прошед,/ идольския угасил еси жертвы,/ и поборник быв твоему стаду, богомудре./ Темже тя почитающе, тайно вопием ти:/ от бед избави ны присно твоими мольбами,// отче наш (имярек).
Величание
Величаем тя,/ священномучениче (имярек),/ и чтим святую память твою,/ ты бо молиши о нас// Христа Бога нашего.
Священномученику ХХ века
Тропарь, глас 3
Церкве Русския столпе непоколебимый,/ благочестия правило,/ жития евангельскаго образе,/ священномучениче (имярек), / Христа ради пострадавый даже до крове,/ Егоже моли усердно,/ яко Начальника и Совершителя спасения,/ Русь Святую утвердити в Православии// до скончания века.
Кондак, глас 2
Восхвалим, вернии,/ изряднаго во святителех (или священницех)/ и славнаго в мученицех (имярек),/ Православия поборника и благочестия ревнителя,/ земли Русския красное прозябение,/ иже страданием Небес достиже/ и тамо тепле молит Христа Бога// спастися душам нашим.
Величание
Величаем тя,/ священномучениче (имярек),/ и чтим честная страдания твоя,/ яже за Христа/ во утверждение на Руси Православия// претерпел еси.
Священномученикам
Тропарь, глас 4
Боже отец наших,/ творяй присно с нами по своей кротости,/ не отстави милость Твою от нас,/ но молитвами их// в мире управи живот наш.
Кондак, глас 3
Яко светильники незаходимыя разумнаго солнца,/ сошедшеся днесь восхвалим песньми,/ возсияли бо есте сущим во тьме неразумия,/ всех созывающе к высоте благочестия, священномученицы./ Тем вопием вам:// радуйтеся, постников всех основание.
Величание
Величаем вас,/ священномученицы Христовы,/ и чтим святую память вашу,/ вы бо молиши за нас// Христа Бога нашего.
Преподобномученику
Тропарь, глас 8
В тебе, отче, известно спасеся еже по образу:/ приим бо Крест, последовал еси Христу,/ и дея учил еси презирати убо плоть, преходит бо,/ прилежати же о души, вещи безсмертней,// Темже и со ангелы срадуется, преподобие (имярек), дух твой.
Кондак, глас 2
Яко постника благочестна и искусна,/ и страдальца произволением честна,/ и пустыни жителя сообразна,/ в песнех достойно восхвалим (имярек) приснохвальнаго,// той бо змия попрал есть.
Величание
Ублажаем тя,/ преподобномучениче (имярек),/ и чтим святую память твою,/ наставниче монахов// и собеседниче Ангелов.
Преподобномученику ХХ века
Тропарь, глас 1
Верный ученик Христа даже до смерти быв,/ преподобномучениче (имярек) приснопамятне,/ подвиги бо поста и кровию мучений/ землю Русскую освятил еси./ Темже и мы, чада твоя, любовию вопием ти:/ слава Давшему ти крепость,/ слава Венчавшему тя,// слава Прославльшему тя с новомученики Российскими.
Кондак, глас 3
Мирскаго мятежа удалився,/ добре Богу послужил еси,/ во дни же гонений на Церковь Русскую/ кровь твою за Христа пролиял еси/ и страданьми твоими землю нашу обагрил еси./ Темже молися, преподобномучениче (имярек),/ сохранитися ей в Православии и благочестии// до скончания века.
Величание
Величаем тя,/ преподобномучениче (имярек),/ и чтим подвиги и страдания твоя,/ яже за Христа// претерпел еси.
Преподобномученице
Тропарь, глас 4
Агница Твоя, Иисусе, (имярек), зовет велиим гласом:/ Тебе, Женише мой, люблю,/ и Тебе ищущи, страдальчествую/ и сраспинаюся и спогребаюся Крещению Твоему,/ и стражду Тебе ради, яко да царствую в Тебе,/ и умираю за Тя, да и живу с Тобою,/ но яко жертву непорочную приими мя, с любовию пожершуюся Тебе.// Тоя молитвами, яко Милостив, спаси души наша.
Кондак, глас 4
Божественная память твоя, (имярек), днесь возсиявши,/ явися мирови яко солнце,/ сказующи житие твое:/ ты бо воздержанием плотская двизания разорши,/ и страдания кровию уневестилася еси Христови./ Темже хвалящия тя избави от всяких зол, да зовем ти:// радуйся, мати преподобная.
Величание
Величаем тя,/ страстотерпице святая (имярек),/ и чтим святую память твою,/ ты бо молиши за нас// Христа Бога нашего.
Преподобномученице ХХ века
Тропарь, глас 5
Христа Господа Иисуса верная ученице,/ Церкве Российския избранная агнице,/ преподобная страстотерпице (имярек),/ легкое иго и язвы Его любовию носящи,/ лествицею мучений/ к Нему, яко Небесному Жениху, востекла еси,/ Егоже моли сохранити в благочестии люди Российския// и спасти душы наша.
Кондак, глас 4
Яко крин багряновидный,/ посреде терний безбожия/ в земнем отечестве твоем процвела еси,/ преподобномученице (имярек) честная,/ подвиги воздержания страданием украсивши,/ востекла еси к Небесному Жениху Христу,// Иже увенча тя красотою славы нетленныя.
Величание
Величаем тя,/ страстотерпице преподобная мати (имярек),/ и чтим честная страдания твоя,/ яже за Христа/ во утверждение на Руси Православия// претерпела еси.
Преподобномученикам
Тропарь, глас 4
Боже отец наших,/ творяй присно с нами по своей кротости,/ не отстави милость Твою от нас,/ но молитвами их// в мире управи живот наш.
Кондак, глас 2
Волнений множество невлажно проходяще,/ безплотныя враги струями слез ваших крепко погрузили есте,/ богомудрии и преподобнии,/ и чудес дар приимше,// молите непрестанно о всех нас.
Величание
Ублажаем вас,/ преподобнии мученицы,/ и чтим святую память вашу,/ наставницы монахов,// и собеседницы Ангелов.
Священноисповеднику и преподобноисповеднику
Тропарь, глас 8
Православия наставниче,/ благочестия учителю и чистоты,/ вселенныя светильниче,/ архиереев богодухновенное удобрение,/ (имярек) премудре,/ ученьми твоими вся просветил еси, цевнице духовная,// моли Христа Бога спастися душам нашим.
Кондак, глас 2
Насладився, богомудре, воздержания/ и желания плотская ты успил еси,/ явився еси, верою возращаем,/ и яко живота древо райское, процвел еси,// (имярек), отче священный.
Величание священноисповеднику
Величаем тя,/ святителю отче (имярек),/ и чтим святую память твою,/ ты бо молиши о нас// Христа Бога нашего.
Величание преподобноисповеднику
Ублажаем тя,/ преподобне отче (имярек),/ и чтим святую память твою,/ наставниче монахов// и собеседниче Ангелов.
Священноисповеднику ХХ века
Тропарь, глас 2
Священноисповедниче отче (имярек),/ во дни гонений безбожных на Церковь Русскую/ поношения, заточение, изгнание и горькия работы/ Христа ради претерпел еси,/ и ничтоже разлучи тя от любве Божия./ Таже благочестно в мире пожив,/ свидетельствовал еси Господа Иисуса Христа,// Егоже моли спастися душам нашим.
Кондак, глас 2
Яко звезда новая Церкве Русския явился еси,/ терпеливодушне (имярек) священноисповедниче,/ Христа Бога прославляя/ и в нощи безбожия путь верным указуя./ Темже молим тя:/ моли нам, сродником твоим,/ в вере православней утвердитися// и спастися душам нашим.
Величание
Величаем тя,/ священноисповедниче (имярек),/ и чтим святую память твою,/ ты бо молиши за нас// Христа Бога нашего.
Преподобноисповеднику ХХ века
Тропарь, глас 2
Преподобноисповедниче отче (имярек),/ во дни гонений безбожных на Церковь Русскую/ поношения, заточение, изгнание и горькия работы/ Христа ради претерпел еси,/ и ничтоже разлучи тя от любве Божия./ Таже благочестно в мире пожив,/ свидетельствовал еси Господа Иисуса Христа,// Егоже моли спастися душам нашим.
Кондак, глас 2
Яко звезда новая Церкве Русския явился еси,/ терпеливодушне (имярек) преподобноисповедниче,/ Христа Бога прославляя/ и в нощи безбожия путь верным указуя./ Темже молим тя:/ моли нам, сродником твоим,/ в вере православней утвердитися// и спастися душам нашим.
Величание
Ублажаем тя,/ преподобноисповедниче (имярек),/ и чтим святую память твою,/ наставниче монахов// и собеседниче Ангелов.
Преподобноисповеднице ХХ века
Тропарь, глас 5
Христа Господа Иисуса верная ученице,/ Церкве Российския избранная агнице,/ преподобная мати (имярек),/ легкое иго и язвы Господни любовию носящи,/ лествицею добродетелей и исповеданием веры/ к Нему? яко Небесному Жениху? востекла? еси,/ Егоже моли сохранити в благочестии люди российския// и спасти души наша.
Кондак, глас 4
Яко крин благоуханный,/ посреде пустыни безбожия/ в земнем Отечестве твоем процвела еси, преподобная мати (имярек),/ и подвиги воздержания исповеданием веры украсивши,/ востекла еси к Небесному Жениху Христу,// Иже увенча тя красотою славы нетленныя.
Величание
Величаем тя,/ страстотерпице преподобная мати (имярек),/ и чтим честная страдания твоя,/ яже за Христа/ во утверждение на Руси Православия// претерпела еси.
Исповеднику ХХ века
Тропарь, глас 4
Страдания за Христа претерпев,/ веру православную сохранил еси,/ и терпением гонители Церкве Русския посрамив,/ благочестно в законе Господни пожил еси,/ исповедниче славне (имярек),/ Престолу Божию предстоя,// моли спастися душам нашим.
Кондак, глас 2
Яко звезда новая Церкве Русския явился еси,/ терпеливодушне (имярек) исповедниче,/ Христа Бога прославляя/ и в нощи безбожия путь верным указуя./ Темже молим тя:/ моли нам, сродником твоим,/ в вере православней утвердитися// и спастися душам нашим.
Величание
Величаем тя,/ исповедниче святый (имярек),/ и чтим святую память твою,/ ты бо молиши за нас// Христа? Бога нашего.
Исповеднице ХХ века
Тропарь, глас 4
Благочестно в законе Господни поживши,/ веру Православную сохранила еси,/ и терпением гонители Церкве Русския посрамивши,/ страдания за Христа претерпела еси,/ исповеднице славная (имярек),/ престолу Божию предстоящи,// моли спастися душам нашым.
Кондак, глас 4
Яко крин благоуханный,/ посреде пустыни безбожия/ в земнем Отечестве твоем процвела еси,/ блаженная мати (имярек),/ и житие добродетельное исповеданием веры украсивши,/ востекла еси к Небесному Жениху Христу,// Иже увенча тя красотою славы нетленныя.
Величание
Величаем тя,/ исповеднице Христова (имярек),/ и чтим святую память твою,/ ты бо молиши за нас// Христа Бога нашего.
Преподобному
Тропарь, глас 8
В тебе, отче, известно спасеся еже по образу:/ приим бо Крест, последовал еси Христу,/ и дея учил еси презирати убо плоть, преходит бо,/ прилежати же о души, вещи безсмертней,// Темже и со ангелы срадуется, преподобие (имярек), дух твой.
Ин тропарь, глас 8
Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней, сияя чудесы,/ (имярек) отче наш,// моли Христа Бога спастися душам нашим.
Кондак, глас 2
Чистотою душевною божественне вооружився,/ и непрестанныя молитвы яко копие вручив крепко,/ пробол еси бесовская ополчения,/ (имярек), отче наш,// моли непрестанно о всех нас.
Величание
Ублажаем тя,/ преподобне отче (имярек),/ и чтим святую память твою,/ наставниче монахов// и собеседниче Ангелов.
Преподобной
Тропарь, глас 8
В тебе, мати, известно спасеся еже по образу:/ приим бо Крест, последовала еси Христу,/ и деющи учила еси презирати убо плоть, преходит бо,/ прилежати же о души, вещи безсмертней,// Темже и со ангелы срадуется, преподобиая (имярек), дух твой.
Кондак, глас 2
За любовь Господню, преподобная,/ покоя желание возненавидела еси,/ пощением дух твой просветивши:/ крепко бо звери победила еси;/ но молитвами твоими// противных шатание разори.
Величание
Ублажаем тя,/ преподобная мати (имярек),/ и чтим святую память твою,/ ты бо молиши о нас// Христа Бога нашего.
Преподобным
Тропарь, глас 4
Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.
Кондак, глас 2
Волнений множество невлажно проходяще,/ безплотныя враги струями слез ваших крепко погрузили есте,/ богомудрии и преподобнии,/ и чудес дар приимше,// молите непрестанно о всех нас.
Величание
Ублажаем вас,/ преподобнии отцы,/ и чтим святую память вашу,/ наставницы монахов,// и собеседницы Ангелов.
Преподобным женам
Тропарь, глас 2
Истинному желанию уневестившеся, христославнии,/ и временнаго обручника отвергшеся совокупления,/ и добродетельными подвиги возрастше,/ на высоту? востекосте нетления,/ краснодушнии и многобогатнии,/ столпи монашествующих жен и правило,/ темже о нас молите непрестанно,// любовию вашу память празднующих.
Кондак, глас 2
Телеса своя постом изнуривше,/ и неусыпными молитвами моляще Зиждителя о гресех своих,/ яко да приимете совершенное прощение,/ и приясте божественное оставление/ и царствие небесное,// молите Христа? Бога о всех нас.
Величание
Ублажаем вас,/ преподобнии матери,/ и чтим святую память вашу,/ вы бо молите за нас// Христа Бога нашего.
Бессребреникам
Тропарь, глас 8
Святии безсребреницы и чудотворцы,/ посетите немощи наша:// туне приясте, туне дадите нам.
Кондак, глас 2
Благодать приимше исцелений,/ простираете здравие сущим в нуждах,/ врачеве, чудотворцы преславнии,/ но вашим посещением/ ратников дерзости низложите,// мир исцеляюще чудесы.
Величание
Величаем вас,/ чудотворцы славнии (имярек),/ и чтим честная страдания ваша,/ яже за Христа// претерпели есте.
Христа ради юродивым
Тропарь, глас 1
Глас апостола Твоего Павла услышав, глаголющ:/ мы юроди Христа ради,/ раб Твой, Христе Боже, (имярек)/ юрод бысть на земли Тебе ради;/ темже память его почитающе,/ Тебе молим, Господи:// спаси души наша.
Кондак, глас 8
Вышния красоты желая,/ нижния сласти телесныя тощно оставил еси,/ нестяжанием суетнаго мира, Ангельское житие проходя,/ скончався, (имярек) блаженне,// с нимиже Христа Бога моли непрестанно о всех нас.
Величание
Ублажаем тя,/ святый праведный (имярек),/ и чтим святую память твою,/ ты бо молиши о нас// Христа? Бога нашего.
МОЛИТВЕННОЕ ПРАВИЛО КО ПРИЧАСТИЮ (образец):
Понедельник (по светскому стилю — в воскресенье вечером после малого повечерия): Канон Покаянный ко Господу нашему Иисусу Христу.
Вторник: Канон молебный ко Пресвятой Богородице.
Среда: Канон Ангелу-Хранителю.
Четверг: Канон святому Иоанну Предтече.
Пятница: Канон, Акафист или молитвы Вашему святому покровителю, чьё имя Вы носите.
Суббота: Иисусу Сладчайшему.
Воскресенье: первая (вечерняя) часть последования ко Святому Причащению. Вторая (утренняя) часть последования читается после 1-го часа.
Присутствие на Божественной Литургии в Воскресенье является ОБЯЗАТЕЛЬНЫМ и БЕЗОТЛАГАТЕЛЬНЫМ правилом верующего православного человека, как и причастие Святых Христовых Таин. Исключение из данного ПРАВИЛА возможно только в силу тяжёлой или заразной болезни, а также в случае природного или социального катаклизма, когда в церковь невозможно добраться.
Примечание: в данном молитвенном правиле и прилагаемом православном календаре началом новых суток считается 18 часов.
Содержание
Преподобного
Тропарь, глас 8:
В тебе́, о́тче, изве́стно спасе́ся е́же по о́бразу:/ прии́м бо Крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней,// те́мже и со А́нгелы сра́дуется, преподо́бне (имярек), дух твой.
Ин тропарь, глас тот же:
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоно́сил еси,/ и был еси́ свети́льник вселе́нней, сия́я чудесы́, (имярек), о́тче наш,// моли́ Христа́ Бо́га спасти́ся душа́м на́шим.
Ин тропарь, глас 1:
Пусты́нный жи́тель, и в телеси́ А́нгел,/ и чудотво́рец яви́лся еси́, богоно́се о́тче наш (имярек):/ посто́м, бде́нием, моли́твою небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сл́ава Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
Кондак, глас 2:
Чистото́ю душе́вною боже́ственне вооружи́вся,/ и непреста́нныя моли́твы я́ко копие́ вручи́в кре́пко,/ пробо́л еси́ бесо́вская ополче́ния,/ (имярек), о́тче наш,// моли́ непреста́нно о всех нас.
Величание:
Ублажа́ем тя,/ преподо́бне о́тче (имярек),/ и чтим святу́ю па́мять твою́,/ наста́вниче мона́хов// и собесе́дниче Ангелов.
Песнь Богородицы (Честнейшая)
(Ярославль, середина XVII века)
Песнь Пресвято́й Богоро́дицы («Честне́йшая», Пѣснь Пресвяты́я Богородицы), Песнь Богородицы — песнопение православной утрени, предшествующее 9-й песни канона. Составлена на текст хвалебной речи Девы Марии (Лк. 1:46—55), с прибавлением припева «Честне́йшую херуви́м…» к каждому стиху, откуда получила своё второе, наиболее употребительное название — «Честнейшая».
У католиков и протестантов распев тех же стихов Писания (без какого-либо припева) именуется магнификатом, по первому слову первого стиха латинского текста: «Magnificat anima mea Dominum».
Молитва-величание «Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем», ставшая припевом к Песни Богородицы, была составлена преподобным Космой Маюмским.
Песнь Пресвятой Богородицы вместе с пророчеством Захарии (Лк. 1:63—79) составляют 9-ю библейскую песнь. Особенностью 9-й библейской песни является то, что её первая часть (то есть Песнь Богородицы) поётся вместе с припевами «Честнейшую херувим…», и только вторая (пророчество Захарии) — с тропарями 9-й песни канона. При этом Песнь Богородицы поётся перед 9-й песнью канона всегда, то есть и в тех случаях, когда тропари 9-й песни канона (согласно современной сокращённой практике) читаются без библейской песни (с краткими молебными припевами).
Богослужебные замечания
Пение «Честнейшей»
«Честне́йшая» поётся «на два ли́ка» (хо́ра), то есть антифонно. Богослужебное указание гласа «Честнейшей» имеется только в Минее 1 сентября, на праздник (церковного) Новолетия («Нача́ло инди́кта, си́рѣчь но́ваго лѣ́та»), где её предписано петь на 6-й глас и «велегла́сно» (громко). В современной практике это гласовое указание не соблюдается: обычно «Честнейшую» поют напевом ирмоса гласа канона, или иным напевом (самогласным). Во многих храмах «Честнейшую» поют общинно (вместе с народом).
Каждение на «Честнейшую»
На 8-й и 9-й песни канона утрени диакон совершает каждение алтаря и всего храма. Покадив св. престол и алтарь, диакон, к началу катавасии 8-й песни, выходит северной дверью из алтаря, совершает каждение царских врат, правой стороны иконостаса и встаёт у иконы Божией Матери. По окончании катавасии, кадя икону Богородицы, диакон возглашает: «Богоро́дицу и Ма́терь Све́та в пе́снех возвели́чим», и лики (хоры) начинают пение «Честнейшей».
Далее диакон кадит левую сторону иконостаса, клироса́, народ (молящихся в храме) и весь храм, затем, поднявшись на солею́, вновь кадит царские врата, иконы Спасителя и Богородицы, и возвращается южной дверью в алтарь.
Когда «Честнейшая» не поётся
Глава 20 Типикона «О еже когда поется Честнѣйшую, и когда не поется», гласит:
Подоба́етъ вѣ́дати: я́ко всегда́ пое́тся Честнѣ́йшую: въ недѣ́ляхъ всего́ лѣ́та и въ предпра́зднствахъ, и попразднствахъ, и въ седми́чныя дни. Не пое́тся же Честнѣ́йшая во влады́чнихъ и богоро́дичныхъ пра́здникахъ, е́же есть, на Рождество Богородицы, и на отда́ніе пра́здника ея́. На Воздви́женіе Честна́го Креста́, и на отда́ніе его́. На Введе́ніе Богоро́дицы, и на отда́ніе его́. На Рождество Христово, и на у́тріе, и на отда́ніе его́. На Обре́заніе Госпо́дне, и въ па́мять Вели́каго Васи́лія. На Богоявле́ніе Госпо́дне, и на у́тріе, и на отда́ніе его́. Въ Па́мять во святы́хъ оте́цъ на́шихъ, и вели́кихъ іера́рховъ, Васи́лія Вели́каго, Григо́рія Богосло́ва, и Іоа́нна Златоу́стаго. На Срѣ́теніе Госпо́дне, и на отда́ніе его́. На Благовѣ́щеніе. От суббо́ты пра́веднаго Ла́заря, до недѣ́ли Θомины́, во всѣхъ недѣ́ляхъ Пятьдеся́тницы, кромѣ́ Недѣ́ли Святы́хъ Оте́цъ. Въ преполове́ніе Пятьдеся́тницы, и на отда́ніе его́. Въ сре́ду, предъ Вознесе́ніемъ. На Вознесе́ніе, и на отда́ніе его́. На Соше́ствіе Свята́го Ду́ха, и на у́трени въ понедѣ́льникъ, и на отда́ніе его́. На Преображе́ніе, и на отда́ніе его́. На Успе́ніе Богоро́дицы, и на отда́ніе его́. То́чію а́ще случи́тся пра́здникъ, или́ отда́ніе пра́здника ко́его въ недѣ́лю: и тогда́ пое́тся Честнѣйшую.
На службах господских и богородичных праздников и их отданий (кроме отдания Пятидесятницы), когда «Честнейшая» не поётся, на 9-й песни канона вместо неё (и пророчества Захарии) поются особые «припевы праздника», первый из которых обычно возглашается диаконом (вместо возгласа «Богоро́дицу и Ма́терь Све́та в пе́снех возвели́чим»). Например, в праздник Рождества Богородицы диакон возглашает первый припев: «Велича́й, душе́ моя́, пресла́вное рождество́ Бо́жия Ма́тере», а в праздник Преображения Господня: «Велича́й, душе́ моя́, на Фаво́ре преобрази́вшагося Го́спода».
Примечания
- Об истории песнопения «Честнейшую херувим» и его месте в богослужениях см., например, Свящ. Димитрий Юревич. О песнопении «Честнейшую херувим».
- В связи с этим в некоторых богослужебных книгах (например, некоторых Ирмологиях) собственно 9-й библейской песнью называется именно пророчество Захарии, а «Песнь Пресвятой Богородицы» («Честнейшая») специально отделяется между 8-й и 9-й библейскими песнями.
- Диакон Владимир Владимирович Василик, «Происхождение канона (Богословие, история, поэтика)», СПб., 2006 г., Стр. 308.
- «Мы же стіхосло́вимъ 9-ю пѣснь, пою́ще велегла́сно, на гласъ 6: Вели́читъ душа́ моя́ Го́спода: Припѣваемъ же: Честнѣ́йшую херуві́мъ:» (Минея, 1 сентября).
- Впрочем, Минея 1 сентября предписывает каждение и возглашение совершать священнику: «Іере́й же покади́въ Святу́ю трапе́зу, возгласи́тъ: Богоро́дицу и Ма́терь Све́та въ пѣ́снехъ возвели́чимъ. И покади́въ Святы́й Олта́рь, и всю це́рковь, и бра́тію, е́же повсегда́ на 9-й пѣ́сни у́трени не оставля́ется».
- По книге: Православное богослужение. Практическое руководство для клириков и мирян / сост. И. В. Гаслов. — СПб: Сатисъ, 2000. — С. 61—63. — ISBN 5-7373-0150-8..
- Типикон. Глава 20.
- То есть на воскресных (недельных) богослужениях в течение всего года (лета).
- если только эти дни не являются воскресными
Тропари, кондаки и величания общие
В праздники Богородичные
Тропарь, глас 4-й
К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи, Тя бо и еди́ну наде́жду и́мамы.
Кондак, глас 6-й
Предста́тельство христиа́н непосты́дное, хода́тайство ко Творцу́ непрело́жное, не пре́зри гре́шных моле́ний гла́сы, но предвари́, я́ко Блага́я, на по́мощь нас, ве́рно зову́щих Ти: ускори́ на моли́тву и потщи́ся на умоле́ние, предста́тельствующи при́сно, Богоро́дице, чту́щих Тя.
Величание
Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем, с ве́рою притека́ющим.
Святым безплотным Силам
Тропарь, глас 4-й
Небе́сных во́инств Архистрати́зи, мо́лим вас при́сно мы недосто́йнии, да ва́шими моли́твами оградите́ нас кро́вом крил невеще́ственныя ва́шея сла́вы, сохраня́юще нас, припа́дающих приле́жно и вопию́щих: от бед изба́вите нас, я́ко чинонача́льницы вы́шних Сил.
Кондак, глас 2-й
Архистрати́зи Бо́жии, служи́телие Боже́ственныя сла́вы, Ангелов нача́льницы и челове́ков наста́вницы, поле́зное нам проси́те и ве́лию ми́лость, я́ко безпло́тных Архистрати́зи.
Величание
Велича́ем вас, Арха́нгели и Ангели и вся во́инства, Херуви́ми и Серафи́ми, сла́вящия Го́спода.
Пророку
Тропарь, глас 2-й
Проро́ка Твоего́ (имя) па́мять, Го́споди, пра́зднующе, тем Тя мо́лим: спаси́ ду́ши на́ша.
Кондак, глас 4-й
Просвети́вшеся Ду́хом чи́стое твое́ се́рдце, проро́чества бысть светле́йшаго прия́телище: зри́ши бо я́ко настоя́щая дале́че су́щая, сего́ ра́ди тя почита́ем, проро́че блаже́нне, (имя), сла́вне.
Величание
Велича́ем тя, проро́че Бо́жий (имя), и чтим святу́ю па́мять твою́, ты бо мо́лиши за нас Христа́ Бо́га на́шего.
Апостолу
Тропарь, глас 3-й
Апо́столе святы́й (имя), моли́ Ми́лостиваго Бо́га, да прегреше́ний оставле́ние пода́ст душа́м на́шим.
Кондак, глас 4-й
Яко звезду́ пресве́тлую Це́рковь всегда́ стяжа́ тя, апо́столе (имя), чуде́с твои́х многоподава́нием просвеща́ема. Те́мже зове́м Христу́: спаси́ чту́щих ве́рою па́мять Твоего́ апо́стола, Многоми́лостиве.
Величание
Велича́ем тя, апо́столе Христо́в (имя), и чтим боле́зни и труды́ твоя́, и́миже труди́лся еси́ во благове́стии Христове.
Апостолам
Тропарь, глас 3-й
Апо́столи святи́и, моли́те Ми́лостиваго Бо́га, да прегреше́ний оставле́ние пода́ст душа́м на́шим.
Кондак, глас 4-й
Ло́зие яви́стеся Христо́ва виногра́да, му́дрии, гро́здие принося́ще в доброде́телех, вино́ нам спасе́ния источа́юще, его́же прие́млем, весе́лия исполня́ющеся, пра́зднуем честну́ю ва́шу па́мять, в ню́же моли́те дарова́тися нам вели́цей ми́лости и отпуще́нию грехо́в, Госпо́дни апо́столи.
Святителю
Тропарь, глас 4-й
Пра́вило ве́ры и о́браз кро́тости, воздержа́ния учи́теля яви́ тя ста́ду твоему́, я́же веще́й и́стина: сего́ ра́ди стяжа́л еси́ смире́нием высо́кая, нището́ю бога́тая, о́тче (имя), моли́ Христа́ Бо́га спасти́ся душа́м на́шим.
Кондак, глас 2-й
Боже́ственный гром, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю (имя), со Ангелы предстоя́ при́сно, моли́ непреста́нно о всех нас.
Величание
Велича́ем тя, святи́телю о́тче (имя), и чтим святу́ю па́мять твою́: ты бо мо́лиши за нас Христа́ Бо́га на́шего.
Святителям
Тропарь, глас 4-й
Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.
Кондак, глас 8-й
Яко доброде́телей учи́телие и иера́рхов украше́ние, Це́рковь пою́щи вас сла́вит: моли́твами ва́шими пода́йте чту́щым вас любо́вию доброде́телей исправле́ние и собла́знов избавле́ние, я́ко непобеди́мии.
Мученику
Тропарь, глас 4-й
Му́ченик Твой, Го́споди, (имя) во страда́нии свое́м вене́ц прия́т нетле́нный от Тебе́, Бо́га на́шего: име́яй бо кре́пость Твою́, мучи́телей низложи́, сокруши́ и де́монов немощны́я де́рзости, того́ моли́твами спаси́ ду́ши на́ша.
Кондак, глас 2-й
Звезда́ све́тлая яви́лся еси́, непреле́стная ми́рови, Со́лнце Христа́ возвеща́ющи, заря́ми твои́ми, страстоте́рпче (имя), и пре́лесть погаси́л еси́ всю: нам же подае́ши свет, моля́ся непреста́нно о всех нас.
Величание
Велича́ем тя, страстоте́рпче святы́й (имя), и чтим честна́я страда́ния твоя́, я́же за Христа́ претерпе́л еси́.
Мученице
Тропарь, глас 4-й
Агница Твоя́, Иису́се, (имя) зове́т ве́лиим гла́сом: Тебе́, Женише́ мой, люблю, и Тебе́ и́щущи, страда́льчествую, и сраспина́юся, и спогреба́юся Креще́нию Твоему́, и стражду́ Тебе́ ра́ди, я́ко да ца́рствую в Тебе́, и умира́ю за Тя, да и живу́ с Тобо́ю, но я́ко же́ртву непоро́чную приими́ мя, с любо́вию поже́ршуюся Тебе́. Тоя́ моли́твами, я́ко Ми́лостив, спаси́ ду́ши на́ша.
Кондак, глас 2-й
Храм твой всечестны́й, я́ко цельбу́ душе́вную обре́тше, вси ве́рнии, велегла́сно вопие́м ти, де́во му́ченице (имя), великоимени́тая: Христа́ Бо́га моли́ непреста́нно о всех нас.
Величание
Велича́ем тя, страстоте́рпице Христо́ва (имя), и чтим честно́е страда́ние твое́, е́же за Христа́ претерпе́ла еси́.
Мученикам
Тропарь, глас 4-й
Му́ченицы Твои́, Го́споди, во страда́ниих свои́х венцы́ прия́ша нетле́нныя от Тебе́, Бо́га на́шего: иму́ще бо кре́пость Твою́, мучи́телей низложи́ша, сокруши́ша и де́монов немощны́я де́рзости, тех моли́твам и спаси́ ду́ши на́ша.
Кондак, глас 8-й
Свети́льницы све́тлии я́вльшеся, боже́ственнии му́ченицы, тварь всю све́тлостию чуде́с озаря́ете, неду́ги разреша́юще и глубо́кую тьму всегда́ отгоня́юще, Христу́ Бо́гу моля́щеся непреста́нно о всех нас.
Священномученику
Тропарь, глас 4-й
И нра́вом прича́стник, и престо́лом наме́стник апо́столом быв, дея́ние обре́л еси́ богодухнове́нне, в виде́ния восхо́д; сего́ ра́ди сло́во и́стины исправля́я, и ве́ры ра́ди пострада́л еси́ да́же до кро́ве, священному́чениче (имя), моли́ Христа́ Бо́га спасти́ся душа́м на́шим.
Кондак, глас 4-й
Во святи́телех благоче́стно пожи́в, и муче́ния путь проше́д, и́дольския угаси́л еси́ же́ртвы, и побо́рник быв твоему́ ста́ду, богому́дре. Тем же тя почита́юще, та́йно вопие́м ти: от бед изба́ви ны при́сно твои́ми мольба́ми, о́тче наш (имя).
Величание
Велича́ем тя, священному́чениче (имя), и чтим святу́ю па́мять твою́: ты бо мо́лиши за нас Христа́ Бо́га на́шего.
Священномученикам
Тропарь, глас 4-й
Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.
Кондак, глас 3-й
Яко свети́льники незаходи́мыя разу́мнаго Со́лнца, соше́дшеся днесь восхва́лим пе́сньми: возсия́ли бо есте́ су́щим во тьме неразу́мия, всех созыва́юще к высоте́ благоче́стия, священному́ченицы, тем вопие́м вам: ра́дуйтеся, по́стников всех основа́ние.
Преподобному
Тропарь, глас 8-й
В тебе́, о́тче, изве́стно спасе́ся, е́же по о́бразу: прии́м бо крест, после́довал еси́ Христу́, и де́я учи́л еси́ презира́ти у́бо плоть, прехо́дит бо, прилежа́ти же о души́, ве́щи безсме́ртней, те́мже и со Ангелы сра́дуется, преподо́бне (имя), дух твой.
Кондак, глас 2-й
Чистото́ю душе́вною боже́ственно вооружи́вся, и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, (имя), о́тче наш, моли́ непреста́нно о всех нас.
Величание
Ублажа́ем тя, преподо́бне о́тче (имя), и чтим святу́ю па́мять твою́, наста́вниче мона́хов и собесе́дниче Ангелов.
Преподобной жене
Тропарь, глас 8-й
В тебе́, ма́ти, изве́стно спасе́ся, е́же по о́бразу: прии́мши бо крест, после́довала еси́ Христу́, и де́ющи учи́ла еси́ презира́ти у́бо пло́ть, прехо́дит бо, прилежа́ти же о души́, ве́щи безсме́ртней, те́мже и со Ангелы сра́дуется, преподо́бная (имя), дух твой.
Кондак, глас 2-й
За любо́вь Госпо́дню, преподо́бная, поко́я жела́ние возненави́дела еси́, поще́нием дух твой просвети́вши: кре́пко бо зве́ри победи́ла еси́, но моли́твами твои́ми проти́вных шата́ние разори́.
Величание
Ублажа́ем тя, преподо́бная ма́ти (имя), и чтим святу́ю па́мять твою́: ты бо мо́лиши за нас Христа́ Бо́га на́шего.
Преподобным
Тропарь, глас 4-й
Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.
Кондак, глас 2-й
Волне́ний мно́жество невла́жно проходя́ще, безпло́тныя враги́ струя́ми слез ва́ших кре́пко погрузи́ли есте́, богому́дрии и преподо́бнии, и чуде́с дар прии́мше, моли́те непреста́нно о всех нас.
Безсребреникам
Тропарь, глас 8-й
Святи́и безсре́бреницы и чудотво́рцы, посети́те не́мощи на́ша: ту́не прия́сте, ту́не дади́те нам.
Кондак, глас 2-й
Благода́ть прии́мше исцеле́ний, простира́ете здра́вие су́щим в ну́ждах, вра́чеве, чудотво́рцы пресла́внии; но ва́шим посеще́нием ра́тников де́рзости низложи́те, мир исцеля́юще чудесы́.
Христа ради юродивому
Тропарь, глас 1-й
Глас апо́стола Твоего́ Па́вла услы́шав, глаго́лющ: мы юро́ди Христа́ ра́ди, раб Твой, Христе́ Бо́же, (имя), юро́д бысть на земли́ Тебе́ ра́ди; те́мже па́мять его́ почита́юще, Тебе́ мо́лим: Го́споди, спаси́ ду́ши на́ша.
Кондак, глас 8-й
Вы́шния красоты́ жела́я, ни́жния сла́сти теле́сныя то́щно оста́вил еси́, нестяжа́нием су́етнаго ми́ра, ангельское житие́ проходя́, сконча́вся, (имя) блаже́нне; с ни́миже Христа́ Бо́га моли́ непреста́нно о всех нас.
Величание
Ублажа́ем тя, святы́й пра́ведный (имя), и чтим святу́ю па́мять твою́: ты бо мо́лиши за нас Христа́ Бо́га на́шего.